+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Қасым-Жомарт Тоқаев Нұрсұлтан Назарбаевпен қалай танысқанын айтып берді

2019 жылғы 3 маусым 20:01
Бөлісіңіз:
Қасым-Жомарт Тоқаев Нұрсұлтан Назарбаевпен қалай танысқанын айтып берді

НҰР-СҰЛТАН. ҚазАқпарат - ҚР Президенті Қасым-Жомарт Тоқаев «Россия 24» телеарнасындағы сұхбатында Нұрсұлтан Назарбаевпен қалай танысқанын айтып берді, деп хабарлайды ҚазАқпарат.

Қ. Тоқаев ол кезде Бейжіңде ҚХР Совет одағының елшілігінде жұмыс істеп жүрген.

«Нұрсұлтан Назарбаевпен 1985 жылы қыркүйек айында таныстым. Назарбаев Бейжіңге Жоғарғы Кеңестің делегациясын бастап келді. Бұл - екі мемлекеттің ара-қатынасы реттелген Горбачев сапарынан 4 жыл бұрын болған оқиға. Яғни, Н. Назарбаев 1985 жылы-ақ ҚХР төрағасынан бастап, барлық лауазымды тұлғаларымен кездесіп, екі мемлекеттің ымыраласуына үлес қосты. Сол сәтте Назарбаев менен «Қазақсың ба?» деп сұрады. «Әрине, қазақпын» деп жауап бердім. Есінде сақтап қалса керек. Кейін 1992 жылы Совет одағы ыдыраған соң Мәскеудегі Қазақстанның тұрақты өкілдігінде кездейсоқ кездестік. Сонда ол маған танымал өлең жолдарымен «Шинеліңді алып үйге қайт» деді. Осыдан таныстығымыз басталды», - деді Қ. Тоқаев.

Президент Елбасы сабақтастығының қалатынын, бірақ ел басқару стильдерінің ұқсамайтынын атап өтті.

«Әр адам - индивидиум. Нұрсұлтан Әбішұлының қайталанбас стилін көшіріп алу ойымда жоқ. Ол - мемлекетіміздің негізін қалаушы, Еуразиялық интеграцияны құрған. Сондықтан, оның бағытына сабақтастықты қамтамасыз етемін деп мәлімдедім. Бұл ең алдымен Қазақстан үшін қажет. Бізге түбегейлі, астаң-кестең өзгеріс қажет емес. Совет одағының тарихынан да белгілі, әр басшы келген сайын өзіне дейінгіні ұмыттырып, жаңа саясатқа көшті. Бұл қоғамға үлкен жік салды, тіпті Совет одағы секілді алпауыт мемлекет ыдырады. Мен табиғатымнан айғайшыл емеспін. Менің жиналыстарым тыныш өтеді, ең өзекті мәселені талқылау 40 минуттан аспайды. Әдеттегі жиналыстар 10-15 минуттың айналасында. Қытайды көп зерттегендіктен, Лао-Цзының нақыл сөзін ұстанамын: ең жұмсақ күш ең қаттының өзін еңсереді», - деді Қасым-Жомарт Тоқаев.

Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT