Қасым-Жомарт Тоқаев министрге Ақтөбеде экологиялық қауіпті жағдайды шұғыл шешуді тапсырды

НҰР-СҰЛТАН. ҚазАқпарат - ҚР Президенті Қасым-Жомарт Тоқаев елімізде жаңадан құрылған министрліктің басшысына нақты тапсырма берді. Бұл туралы Мемлекет басшысы өзінің twitter-дегі парақшасында жазды.

«Ақтөбеде өзен арнасын кеңейту бойынша гидрологиялық жұмыстардың дұрыс ойластырылмағанынан экологиялық қауіпті жағдай қалыптасып отыр. Мәселені шұғыл түрде шешу керек. Бұл жаңадан құрылған министрліктің басшысына алғашқы тапсырма»,-деді Мемлекет басшысы.

Айта кетейік, осы аптада елімізде Мемлекет басшысының Жарлығымен жаңа екі министрлік құрылды.

Осыған қарай ҚР Экология, геология және табиғи ресурстар министрлігін басқару Мағзұм Мырзағалиевке жүктелді. Сондай-ақ жаңа құрылған ҚР Сауда және интеграция министрлігінің басшысы лауазымына Бақыт Сұлтанов тағайындалды.