Қолданушы баптаулары
Қолданушы баптаулары
+7 (701) 759 90 19 Лента
USD 382.38 EUR 428.30
RUB 5.97 CNY 55.39
Jańalyqtar

Қасым-Жомарт Тоқаев мемлекеттік тілден емтихан тапсырып жатыр

2019 жылғы 23 сәуір 16:36 1248
Бөлісіңіз:
Қасым-Жомарт Тоқаев мемлекеттік тілден емтихан тапсырып жатыр

НҰР-СҰЛТАН. ҚазАқпарат - Еліміздің Орталық сайлау комиссиясында ҚР Президенттігіне кандидаттың мемлекеттік тілді еркін меңгергенін анықтайтын лингвистикалық комиссия отырысы өтіп жатыр. Отырыста президенттікке «Nur Otan» партиясының атынан кандидат Қасым-Жомарт Тоқаев мемлекеттік тілден емтихан тапсыруда, деп хабарлайды ҚазАқпарат тілшісі.

Ұқсас жаңалықтар
Қазақстан Президенті дәрігерлерді төл мерекесімен құттықтады Қасым-Жомарт Тоқаев Душанбеде АӨСШК саммитіне қатысады

Қасым-Жомарт Тоқаев алдымен «Абай Құнанбайұлының поэзиясы мен қара сөздері» тақырыбында 2 беттік шығарма жазады. Содан кейін Шерхан Мұртазаның «Мыңбұлақ» кітабынан үзіндіні 15 минут мәнерлеп оқиды. Ал үшінші кезеңде еркін тақырыпта сөз сөйлейді.

Айта кетейік, 19 сәуірде ҚР Орталық сайлау комиссиясы ҚР Президентінің кезектен тыс сайлауында ҚР Президенттігіне кандидаттардың мемлекеттік тілде еркін  меңгергенін анықтайтын лингвистикалық комиссия құрып, оның құрамына Мырзатай Жолдасбеков, Әділ Ахметов, Ғарифолла Есім, Серік Қасқабасов, Гүлтас Құрманбай, Ерден Қажыбек енген болатын. 

Комиссия төрағасы Мырзатай Жолдасбековтің айтуынша, емтихан үш кезеңнен құралған.

Бірінші кезеңде үміткер конвертте жасырылған тақырыптардың біріне жазбаша жұмыс жазады. Жазбаша жұмыс 2 беттен аспауы керек, оны жазуға 1 сағат уақыт беріледі. Егер үміткер 1 сағатта жазып бітіре алмаса, комиссия ақылдаса келе, қосымша жарты сағат бере алады. Комиссия мүшелері жұмысты мұқият тексереді, әріп қатесін, тыныс белгілерін қадағалайды. Мәселен, 8 орфографиялық қате табылса, екі қойылады.

Екінші кезеңде үміткер комиссия ұсынған көлемі үш беттен аспайтын мәтінді дауыстап оқиды. Бұл кезеңде үміткердің дауыс ырғағы, оқу мәнері бағаланады. Үшінші кезеңде үміткер лингвистикалық комиссия берген тақырыптардың біріне сөз сөйлеуі қажет. Оның да тақырыптары конвертке салынып, бекітілген. Тақырыптар қазақ халқының тарихы, мәдениеті, жетістіктері жөнінде болмақ. Үміткердің сөз сөйлеуі комиссияны қанағаттандырмаса, тақырыпты тереңірек ашу үшін қосымша сұрақтар қойылады.
Қасым-Жомарт Тоқаев мемлекеттік тілден емтихан тапсырып жатыр
Қасым-Жомарт Тоқаев мемлекеттік тілден емтихан тапсырып жатыр

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
MURAǴAT