USD 434.24 EUR 492.69
RUB 5.67 CNY 68.46
Jańalyqtar

Қасым-Жомарт Тоқаев: Қиындыққа тап болған адамға қамқорлық жасау – қанымызда бар қасиет

2021 жылғы 3 желтоқсан 14:57
Бөлісіңіз:
Қасым-Жомарт Тоқаев: Қиындыққа тап болған адамға қамқорлық жасау – қанымызда бар қасиет

ПАВЛОДАР. ҚазАқпарат – ҚР Президенті Қасым-Жомарт Тоқаев Тәуелсіздігіміздің 30 жылдығына орай ұйымдастырылған Қайырымды істер марафонының табысты аяқталуымен құттықтады. Мемлекет басшысының құттықтауын «Жомарт жүрек» сыйлығы лауреаттарын марапаттау салтанатты іс-шарасында ҚР Ақпарат және қоғамдық даму министрі Аида Балаева оқып берді, деп хабарлайды ҚазАқпарат тілшісі.

Ұқсас жаңалықтар
Алматыда еріктілер күн сайын күш құрылымдарына ыстық тамақ таратады Парламент депутаттары бір күндік жалақысын «Қазақстан халқына» қорына аударды Алматыдағы зардап шеккендерге Павлодардан 70 литр қан жөнелтілді

«Баршаңызды Тәуелсіздігіміздің 30 жылдығына орай ұйымдастырылған Қайырымды істер марафонының табысты аяқталуымен құттықтаймын! Бұл – халқымыздың асыл қасиеттерін дәріптеп, көпшілікті жақсылық жасауға жұмылдыратын жалпыұлттық жоба. Мерейлі жылда елімізде қоғамдық маңызы бар нақты жұмыстар атқарылуда. Осы марафон – соның жарқын мысалы», - деп атап өтеді ҚР Президенті.

Мемлекет басшысының дерегінше, бастаманы бір жылдың ішінде 3 миллион отандасымыз қолдады. 15 мыңнан астам қайырымдылық шарасы ұйымдастырылып, 200 мың адамға көмек берілді. Мұның бәрі Волонтер жылындағы игілікті істер жалғасын тауып, дәстүрге айналғанын көрсетеді.

«Әлемге індет тараған кезде халқымыз ұлт болып ұйысудың озық үлгісін танытты. Жомарт жандар карантин шектеулеріне байланысты табысынан айырылған жұртқа қолынан келген көмегін аяған жоқ. Өз қаржысына дәрі-дәрмек мен медициналық құрал-жабдық алып берген азаматтар да аз емес. Шын мәнінде, қиындыққа тап болған адамға қамқорлық жасау – қанымызда бар қасиет. Сондай-ақ, баспанаға мұқтаж жүздеген отбасына қуаныш сыйлаған «AsarUme», «Қарекет» қорларының қызметі жоғары бағалауға лайық. Мерейтойлық марафон аяқталғанымен, көпшілікке шарапаты тиетін қайырымды істер жалғаса береді деп сенемін. Жұртқа жанашырлық танытып, халыққа қамқорлық көрсетіп жүрген азаматтарға шынайы ризашылығымды білдіремін. Баршаңызға зор денсаулық, бақ-береке тілеймін!» - деп атап өтеді Қасым-Жомарт Тоқаев.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT