+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Қасым-Жомарт Тоқаев Канада Премьер-Министрімен кездесті

2020 жылғы 14 ақпан 20:46
Бөлісіңіз:
Қасым-Жомарт Тоқаев Канада Премьер-Министрімен кездесті

НҰР-СҰЛТАН. ҚазАқпарат – Қасым-Жомарт Тоқаев 56-шы қауіпсіздік жөніндегі Мюнхен конференциясы аясында өткізген екіжақты кездесулерін Канаданың Премьер-Министрі Джастин Трюдомен келіссөз жүргізуден бастады, деп хабарлайды Ақорданың баспасөз қызметі.

Ұқсас жаңалықтар
Қасым-Жомарт Тоқаев Нұр-Сұлтан қаласының әкімін қабылдады Қасым-Жомарт Тоқаевтың 10-16 ақпан аралығындағы апталық жұмысына бейнешолу Германия Президенті әлемдегі шамадан тыс қарулану қаупі туралы айтты

Тараптар Қазақстан мен Канада арасындағы сауда-экономикалық, инвестициялық және мәдени-гуманитарлық ынтымақтастықтың қазіргі ахуалы мен перспективаларын талқылап, халықаралық ұйымдар аясындағы ықпалдастықты қарастырды, сондай-ақ, халықаралық күн тәртібіндегі өзекті мәселелер бойынша пікір алмасты.

Қасым-Жомарт Тоқаев Джастин Трюдоға ілтипат білдіріп, экономика, инвестиция тарту, ауыл шаруашылығы және технология салаларындағы екіжақты қатынастарды одан әрі дамытудың маңыздылығын атап өтті.

– Біз Канадамен тығыз қарым-қатынас орнаттық. Ынтымақтастығымыздың қазіргі деңгейін жоғары бағалаймыз. Елдеріміз арасындағы өзара ықпалдастықтың аясын одан әрі кеңейте түсеміз деп үміттенеміз, – деді Қазақстан Президенті.

Мемлекет басшысы уран саласындағы канадалық «Cameco» компаниясының жұмысына оң баға беріп, Канада бизнесіне қажетті барлық жағдайды жасауды жалғастыра беруге дайын екенін растады.

Джастин Трюдо кездесуге мүмкіндік туғызғаны үшін Қазақстан Президентіне алғыс білдіріп, екі мемлекет арасындағы көпжылдық достық пен серіктестікке тоқталды.

– Екі ел арасындағы экономикалық ынтымақтастықта көптеген ортақтық бар. Біз энергетика саласындағы бірқатар жоба бойынша ықпалдастық орнаттық. Кооперацияларымызды одан әрі нығайтуға ниеттіміз, – деді Канаданың Премьер-Министрі.

Канада үкіметінің басшысы саяси және экономикалық реформаларды жүзеге асыру жөніндегі Қазақстан Президентінің күш-жігерін жоғары бағалап, азаматтық қоғам мен демократияны дамыту саласына қолдау көрсетуге дайын екенін жеткізді.

Кездесу соңында Қасым-Жомарт Тоқаев пен Джастин Трюдо бір-бірін өзара сапар алмасуға шақырды.

ҚазАқпарат бүгін Мемлекет басшысы Қасым-Жомарт Тоқаевтың Германияның Мюнхен қаласына жұмыс сапарымен барғандығын жазды.

Сондай-ақ Президенттің Мюнхен конференциясына қатысып жатқандығын хабарлады.



Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT