Қасым-Жомарт Тоқаев футболдан Қазақстан-Ресей матчын тамашалады

НҰР-СҰЛТАН. ҚазАқпарат - ҚР Президенті Қасым-Жомарт Тоқаев «Астана Арена» стадионында Қазақстан мен Ресей құрамалары арасындағы ойынды тамашалауда. Бұл жайында Президенттің баспасөз хатшысы Берік Уәли мәлім етті, деп хабарлайды ҚазАқпарат тілшісі.

«Мемлекет басшысы Қасым-Жомарт Тоқаев футболдан 2020 жылғы Еуропа чемпионаты іріктеу кезеңінің Қазақстан мен Ресей ұлттық құрамалары арасында өтетін матчын көру үшін «Астана Арена» стадионына келді», - деп жазды ол Фейсбуктегі парақшасында.