Қасым-Жомарт Тоқаев Еуропалық Одақ өкілі Петер Бурианды қабылдайды

НҰР-СҰЛТАН. ҚазАқпарат - Ертең 15 тамызда «Ақорда» резиденциясында Мемлекет басшысы Қасым-Жомарт Тоқаев Еуропалық Одақтың Орталық Азия жөніндегі арнайы өкілі Петер Бурианды қабылдайды. Бұл туралы ҚР Президентінің баспасөз хатшысы Берік Уәли Facebook-тегі парақшасында жазды, деп хабарлайды ҚазАқпарат.

«Ертең 15 тамызда «Ақорда» резиденциясында Мемлекет басшысы Еуропалық Одақтың Орталық Азия жөніндегі арнайы өкілі Петер Бурианды қабылдайды. Кездесуде Қазақстан мен Еуропалық Одақ арасындағы ынтымақтастық, сондай-ақ биылғы 17 маусымда қабылданған ЕО-ның Орталық Азия бойынша Жаңа Стратегиясы аясындағы өзара іс-қимыл мен оны іске асыру мәселелері талқыға салынады»,-деп жазды Берік Уәли.