USD 434.48 EUR 492.61
RUB 5.68 CNY 68.44
Jańalyqtar

Қасым-Жомарт Тоқаев Еуропалық комиссияның Президентімен келіссөз жүргізді

2021 жылғы 26 қараша 23:09
Бөлісіңіз:
Қасым-Жомарт Тоқаев Еуропалық комиссияның Президентімен келіссөз жүргізді

БРЮССЕЛЬ. ҚазАқпарат - Мемлекет басшысы Қасым-Жомарт Тоқаев Брюссельге ресми сапарының соңында Еуропалық комиссияның Президенті Урсула фон дер Ляйенмен кездесті, деп хабарлайды ҚазАқпарат Ақордаға сілтеме жасап.

Ұқсас жаңалықтар
Тоқаев митингте ұсталғандар жайлы: Жауапкершілікті ауырлататын мән-жай болмаса жазаны жеңілдеткен жөн Президент Жарлығымен әскери қызметші Сәндібек Қайыров «Айбын» орденімен марапатталды Тоқаев ҰҚШҰ-ға мүше мемлекеттердің басшыларымен телефон арқылы сөйлесті

Жылы шырайда өткен кездесуде тараптар Қазақстан мен Еуропалық Одақ арасындағы сауда-экономикалық және инвестициялық байланыстарды жан-жақты талқылады.

Сондай-ақ пандемиядан кейінгі кезеңдегі экономиканы қалпына келтіру, климаттың өзгеруі, көлік-логистика, гуманитарлық салалардағы ынтымақтастықты дамыту, ғаламдық және аймақтық қауіпсіздік мәселелері бойынша пікір алмасты.


Әңгіме барысында экономикалық ынтымақтастықты кеңейту мәселесіне баса мән берілді. Мемлекет басшысы Қазақстан нарығына инвестиция салатын еуропалық инвесторлар үшін арнайы жағдай жасалатынын және институтционалдық қолдау көрсетілетінін атап өтті.

Еуропалық Одақ – Орталық Азиядағы Қазақстанның ірі сауда және инвестициялық әріптесі. Аймаққа тартылған инвестицияның 75 пайызы біздің елімізге тиесілі.

Кездесуде тараптар «жасыл» экономика, орнықты энергетика және тау-кен өнеркәсібі, агробизнес, ІТ-технологиялар, инновациялар, транзит және көлік, қаржы, денсаулық сақтау және фармацевтика, білім беру мен туризм сияқты перспективалы салалар бойынша ықпалдастықтың жаңа бағыттарын іздестіруге мүдделі екендерін білдірді.


Еуропалық Одақ Президенті Қазақстанда жүргізіліп жатқан саяси және экономикалық реформаларға жоғары баға беріп, ЕуроОдақтың елімізбен сауда-экономикалық және инвестициялық ықпалдастықты одан әрі нығайтуға бейілді екенін нақтылады.

Урсула фон дер Ляйен Қазақстанның Ауғанстандағы ахуалды тұрақтандыруға және гуманитарлық көмек беру шараларын қабылдап жатқанына қолдау білдірді.

Кездесу соңында Қасым-Жомарт Тоқаев Урсула фон дер Ляйенді Қазақстанға сапармен келуге шақырды.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT