+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Қасым-Жомарт Тоқаев: Этносаясатқа құзырлы органдар ғана жауап бермеуі керек

2021 жылғы 21 қазан 12:43
Бөлісіңіз:
Қасым-Жомарт Тоқаев: Этносаясатқа құзырлы органдар ғана жауап бермеуі керек

НҰР-СҰЛТАН. ҚазАқпарат – Мемлекет басшысы Қасым-Жомарт Тоқаев ҚХА Кеңесінің кеңейтілген отырысында әлеуметтік саясаттың этносаралық ахуалға тигізетін әсері туралы айтты, деп хабарлайды ҚазАқпарат тілшісі.

«Жалпы этносаралық тұрақтылық экономикаға, адамдардың әлеуметтік жағдайына оң ықпал етеді. Бұған осы 30 жылдың ішінде көзіміз анық жетті. Елдегі тұрақтылықты сақтау үшін мәдениет пен білімнің, ақпараттық қауіпсіздіктің маңызы зор. Біз бұл бағытта да мемлекеттік саясаттың жан-жақты әрі тиімді, яғни инклюзивті болуын қатамасыз ететін жүйелі шаралар қабылдадық. Осы мақсатта арнайы құрылымдар жасақталды. Дегенмен, этносаралық келісімдерді нығайту ісінде әрбір министрлік пен мекеме айрықша рөл атқарады. Әсіресе әлеуметтік саладағы саясаттың орны бөлек. Шын мәнінде этносаясатқа құзырлы органдар ғана жауап бермеуі керек. Алдағы міндеттерді табысты орындау үшін мемлекет пен қоғам бірлесе жұмыс істеуі қажет. Сонда ғана біз халқымыздың береке-бірлігін сақтап, мемлекетімізді нығайта аламыз», - деген Президент этносаралық қатынас саясатын одан әрі жетілдіру үшін нақты шаралар қабылдау керектігін баса айтты.

«Бұл - қазіргі заманның талабы, Қазақстанның ұзақ мерзімді мақсаттарының бірі», - деді Мемлекет басшысы.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059

MURAǴAT