Каспий жағалауындағы қамыс өртін сөндіруге тікұшақ тартылды

АТЫРАУ. ҚазАқпарат – Атырау облысында Каспий теңізінің Құрманғазы ауданындағы жағалауында жанған қамыс өртін сөндіруге тікұшақ тартылды, деп хабарлайды ҚазАқпарат.

Бұған дейін Атырау облысында Каспий жағалауындағы батпақта қамыс жанып жатқанын жазған болатынбыз.

Бүгін, 7 қазанда Каспий теңізінің Құрманғазы ауданындағы жағалауында жанып жатқан қамыс өртін сөндіру үшін су шашатын құрылғысы бар «Ми-8 ВСУ-5» тікұшағы жіберілді.

Экипаж құрамында 3 адам бар.

«Сондай-ақ, Құрманғазы ауданындағы Мақаш, Теңіз ауылдық округтері аумағындағы өртті сөндіруге облыстық төтенше жағдайлар департаментінің 18 қызметкері мен Құрманғазы аудандық бөлімінен құтқарушылар жұмылдырылды», - деп хабарлады облыстық төтенше жағдайлар департаментінің баспасөз қызметі.