+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Каспий жағалауындағы қамыс өрті әлі толық сөндірілген жоқ

2021 жылғы 14 қазан 13:29
Бөлісіңіз:
Каспий жағалауындағы қамыс өрті әлі толық сөндірілген жоқ

АТЫРАУ. ҚазАқпарат – Атырау облысында Каспий жағалауындағы 515 гектар аумақта қамыс өрті сөндірілді. Жалынды жою жұмысы жалғасуда, деп хабарлайды ҚазАқпарат.

Бұдан бұрын Каспий жағалауындағы 550 гектар аумақта қамыс өртенгенін жазған болатынбыз.

Облыстық төтенше жағдайлар департаменті баспасөз қызметінің мәліметіне қарағанда, қамыс өртін сөндіру бүгін, 14 қазанда қайта жалғасты. Жергілікті уақытпен сағат 09:00-ге дейін жағалауда өртенген аумақтан жақын маңдағы елді мекендерге төніп тұрған қауіп жоқ.

«Өткен тәулікте 25 гектарда, оның ішінде жеке құрамның күшімен 15 гектар аумақта өрт ошағы жойылды. Ал, 10 гектардағы жалын өздігінен сөнді. Жағалаудағы қамыс өртінің жалпы аумағы 550 гектарды құрап отыр. Осы кезге дейін 515 гектарда өрт сөндірілді» -деп мәлім етті департаменттің баспасөз қызметінен.

Қамыс өртін сөндіруге департаменттің жеке құрамынан 31 адам, 5 техникасы, 4 мотосорғыш, 1 генератор, 40 жең, 1 үрлемелі шатыр тартылған.


Біздің каналымызға жазылыңыз:

Бөлісіңіз:

Автор:

Бек Мұстафа

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT