+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Каспий жағалауында итбалыққа тас лақтырып, қорлағандар жазасын алады

2020 жылғы 7 шілде 23:54
Бөлісіңіз:
Каспий жағалауында итбалыққа тас лақтырып, қорлағандар жазасын алады

АҚТАУ. ҚазАқпарат - Маңғыстауда итбалықты қорлағандар жауапкершілікке тартылады. Бұл жайлы Орман шаруашылығы және жануарлар әлемі комитетінің баспасөз хатшысы Сәкен Ділдахмет мәлім етті, деп хабарлайды ҚазАқпарат.

«6 шілде күні Каспий теңізінің жағалауында демалып жатқан адамдардың теңіздегі итбалықты қорлап, оған тас лақтырғаны белгілі болды. Бұл факті бойынша Маңғыстау облысының орман шаруашылығы және жануарлар әлемі аумақтық инспекциясы облыстық полиция департаментіне хат жолдады. Онда жануарды қорлаған адамдарды анықтап, жауапкершіліке тарту жөнінде айтылған» деп жазады Facebook парақшасында Сәкен Ділдахмет.

Оның айтуынша, Қазақстан заңнамасында аң-құсты қорлағандар үшін айыппұл немесе қоғамдық жұмысқа тарту жазасы қарастырылған.

«Ертең 8 шілдеде Маңғыстау облысының орман шаруашылығы және жануарлар әлемі аумақтық инспекциясының инспекторлары теңіз жағалауында демалып жатқан адамдар арасында түсіндіру жұмысын жүргізеді» деп атап өтті Сәкен Ділдахмет.

Еске сала кетейік, 6 шілде күні әлеуметтік желіде демалып жатқан адамдар Каспий итбалығына тас лақтырғаны туралы видео пайда болды. Видеода көрініп тұрғандай, итбалық адамдарға шабуыл жасау ниетінсіз, қызық көріп жақындаған. Өкінішке қарай, отандастарымыз қауіп тудырмайтын аңға жабайылықпен жауап беріп, тас лақтырған.


Біздің каналымызға жазылыңыз:

Бөлісіңіз:

Автор:

Жанат Қапалбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT