Каспий теңізінде қайықтарын жел айдап әкеткен екі балықшы құтқарылды

АҚТАУ. ҚазАқпарат - Каспийде күшті жел қайығын теңіздің ортасына қарай айдап әкеткен екі балықшы құтқарылды, деп хабарлайды ҚазАқпарат Маңғыстау облыстық төтенше жағдайлар департаментінің баспасөз қызметіне сілтеме жасап.

Оқыс оқиға 17 маусым күні болды. Жағалаудан 4-5 шақырымдай ішкеріде резеңке қайықпен балық аулап жүрген екі ер адам желдің екпіні артқандықтан, құрлыққа жете алмаған.

«Құтқарушылар балықшыларды тауып, жағалауға шығарды. Одан ары кезекші көлікпен Ақтауға жеткізілді», - делінген хабарламада.