Қолданушы баптаулары
Қолданушы баптаулары
+7 (701) 759 90 19 Лента
USD 378.90 EUR 422.74
RUB 5.87 CNY 54.80
Jańalyqtar

Каспий итбалықтарының санағы неліктен кейінге қалдырылды

2019 жылғы 17 сәуір 22:35 418
Бөлісіңіз:
Каспий итбалықтарының санағы неліктен кейінге қалдырылды

АТЫРАУ. ҚазАқпарат - Атырау облысында Қашаған теңіз кен орнын игерумен айналысатын НКОК компаниясы Каспий итбалықтарын санап шығу науқаны неліктен 2020 жылға қалдырылғанын айтты, деп хабарлайды ҚазАқпарат тілшісі.

«Компания Бүкілресей балық шаруашылығы және мұхиттану ғылыми-зерттеу институтымен ынтымақтастықта Солтүстік Каспийдегі итбалықтардың санын анықтау бойынша бірлескен зерттеулерді бастамақ болған. Ресейдің зертхана-ұшағы жұмылдырылуы тиіс еді. Екі мемлекеттің бақылау органдарынан оның ұшуына, итбалықтарды есептеудің бірыңғай мультиспектралды әдісі бойынша авиатүсірілімдерді орындауға қажетті рұқсаттардың барлығы алынған. Бұл әдіске сәйкес, каспийлік итбалықтар популяциясының санын есептеуді теңіздің ресейлік және қазақстандық аумақтарында бір мезгілде жүргізу қажет етіледі. Екі тарап та зертханалық ұшақта жұмыстарды жүргізуге дайын болды. Алайда, зерттеулер басталар алдында әуе қозғалысын басқару диспетчерінен жұмыстар тоқтатылатыны туралы хабар келді. Оған себеп - Каспийдің қазақстандық акваториясында жоспардан тыс көпкүндік оқу-жаттығулардың басталуы. Қыс жылы болып, Солтүстік Каспийдегі мұз жамылғысының жылдам жұқаруы және итбалықтардың ерте төлдеуіне байланысты, зерттеуді кейінге шегеру мүмкін болмады», - деп мәлім етті компанияның баспасөз қызметінен.

Компанияның хабарлауынша, бірыңғай мультиспектралды әдіспен авиатүсірілімдерді өткізу келесі жылдарға қалдырылды.

 

Автор: А. Соколов

 

 

Біздің каналымызға жазылыңыз:

Басты сөздер: Каспий, Атырау облысы, Аймақ,
Бөлісіңіз:
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT