Kaspi банктің кепілдегі қызметкерлері босатылды

АСТАНА. ҚазАқпарат - Kaspi банктің кепілдегі 4 қызметкері босатылды, деп хабарлайды ҚазАқпарат polisia.kz телеграм каналына сілтеме жасап.

Бұған дейін хабарлағанымыздай, елордадағы Kaspi банктің ғимаратында қаруланған ер адам ұйым қызметкерлерін кепілге алды.

Банктің баспасөз қызметі ғимаратта клиенттердің жоқтығын және полиция қызметкерлерінің күдіктімен келіссөз жүргізіп жатқанын мәлімдеді.