Кәсіпкерлерге берілетін несие 7 миллиард теңгеге дейін ұлғайтылды
«Кәсіпкерлерге «Бизнестің жол картасы-2025» және «Қарапайым заттар экономикасы» бағдарламалары бойынша қарызға қаражат түпкілікті 6%-бен беріледі. «Бизнестің жол картасы-2025» бағдарламасы бойынша берілетін несие сомасы 7 миллиард теңгеге дейін ұлғайтылды. Субсидиялау мерзімі - 5 жыл.
«Қарапайым заттар экономикасы» бағдарламасы бойынша несие сомасы шектелмейді. Ал субсидиялау мерзімі - 10 жыл. Кепілдік құралдары да жақсартылған. «Бизнестің жол картасы-2025» бойынша кепілдік - несие сомасының 85%-ын құрауы мүмкін. «Қарапайым заттар экономикасы» бойынша кепілдік несие сомасының 50% -ын құрайды. «Бизнестің жол картасы 2025» бағдарламасынан салалық шектеулер алынып тасталды. Бұл шағын және орта бизнеске, қызмет түріне қарамастан, бағдарламаның қатысушысы болуға және жеңілдетілген қаржыландыруға мүмкіндік береді. Тауарлар мен қызметтердің тізімі «Қарапайым заттар эконлмикасы» бағдарламасы аясында айтарлықтай кеңейтілді «, - делінген Әлихан Смайылов депутаттардың сауалына берген жауабында. https://www.parlam.kz/ru/mazhilis/question-details/18301
Ол осы бағдарлама бойынша несиелендірудің жалпы көлемі 1 трлн теңгеге дейін ұлғайтылғанын еске салды.
«Сонымен қатар, Ұлттық банк салалық шектеусіз, оның ішінде жеке кәсіпкерлер үшін шағын және орта бизнесті жеңілдетілген несиелеу бағдарламасын іске қосты. Несиелер айналым қаражатын толықтыру үшін 1 жылға 8% -бен беріледі. Бұл бағдарламаға 600 миллиард теңге бөлінген. Жалпы, несие беру шараларын арттыру үшін көптеген шектеу алынып тасталды, тетіктер жеңілдетілді. «Бизнестің жол картасы-2025» бағдарламасы аясында Мемлекет басшысының тапсырмасы бойынша жаңа бағыт - микро және шағын бизнеске шағын несие беріле бастады. Бизнестің осы санаты үшін субсидиялар арқылы несиелер 6% мөлшерлемемен беріледі. Несиелер айналым қаражатын толықтыруға 5 миллион теңгеге дейін, өндірістік қажеттілікке 20 миллион теңгеге дейін бөлінеді», - деді вице-премьер.
Сонымен қатар, ол қызмет түрлеріне ешқандай шектеудің жоқтығын баса айтты.