+7 (701) 759 90 19 Лента
USD 386.71 EUR 429.17
RUB 6.02 CNY 54.66
Jańalyqtar

Кәсіпкерлерді тексерудің нақты регламенті жоқ – «Атамекен» ҰКП

2019 жылғы 11 қыркүйек 16:00
Бөлісіңіз:
Кәсіпкерлерді тексерудің нақты регламенті жоқ – «Атамекен» ҰКП

НҰР-СҰЛТАН. ҚазАқпарат – Кәсіпкерлік нысандарды тексерудің нақты регламенті жоқ. Осының салдарынан сыбайлас жемқорлық тәуекелі артқан. Бұл туралы Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңесте айтылды, деп хабарлайды ҚазАқпарат тілшісі.

Ұқсас жаңалықтар
Павлодарда ҮЕҰ-бизнес-мемлекет серіктестігінің республикалық форумы өтуде

Кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңес төрағасы Қайырбек Сүлейменов ветеринарлық бақылау және қадағалау комитеті ауыл шаруашылық кәсіпорындарын шектен тыс жиі тексеретінін айтты.

«2016 жылдан бері ҚР Агроөнеркәсіп кешеніндегі мемлекеттік инспекция комитеті жүргізетін тексерулер саны 6 есе өскен. Ал Ветеринарлық бақылау және қадағалау комитетінің тексерулері 4 есе жиілеген. Ал осы тексерулерді жүргізу тәртібі заңнамалық актілермен реттелмеген. Тексерулердің нақты регламенті болмауы сыбайлас жемқорлық тәуекелдерін туындататыны белгілі», - деді кеңес төрағасы.

ҚР Ұлттық экономика министрлігінің кәсіпкрлікті дамыту жөніндегі сараптамалық тобының тең төрайымы Гүлнар Құрманбаеваның айтуынша, алкоголь саудасы мен көші-қон саласы да тексерулер мен айыппұлдардан көз ашпай кеткен.

«Полиция өкілдері кәмелет жасына толмаған балаларды жедел әрекеттерге тартады. Сол арқылы жедел іздестіру заңнамасын бұзады. Балаларды заңбұзушылық анықтауға немесе заңсыздық туындатуға пайдалану көп тіркеледі. Ал көші-қон саласында полиция өкілдері 2018 жылы 530 тексеру жүргізген. Соның салдарынан кәсіпкерлік нысандар 1,6 млрд теңгеден астам айыппұл төлеуге мәжбүр болған. Оның бір бөлігі негізсіз салынған деп есептейміз. Биылдың өзінде көші-қон саласында ішкі істер саласының 20 қызметкері сыбайлас жемқорлық бойынша жауапқа тартылып отыр», - деді Гүлнар Құрманбаева.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT