+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Кәсіпкерлер жөн‑жосықсыз тексерулерден ығыр болып отыр - Қ. Сұлтанов

2009 жылғы 10 қыркүйек 14:26
Бөлісіңіз:

АСТАНА. Қыркүйектің 10‑ы. ҚазАқпарат /Қанат Мәметқазыұлы/ ‑ Кәсіпкерлер жөн‑жосықсыз тексерулерден ығыр болып отыр. Бүгін ҚР Парламенті Сенатының жалпы отырысында ҚР Премьер‑Министрінің атына сауал жолдаған сенатор Қуаныш Сұлтанов осылай мәлім етті,

деп хабарлайды ҚазАқпарат.

«Өңірлердегі кездесулер барысында көпшілік жұрт қазіргі кездегі мемлекеттік құзырлы органдар тарапынан ерсілі‑қарсылы, жоспарлы‑жоспарсыз, жүйесіз жүргізілетін тексерулердің көбейіп кеткеніне қобалжып, алаңдаушылық білдіреді. Әсіресе, осыны сағынғандай‑ақ мораторий мерзімі біткеннен кейін тексеру органдары кәсіпкерлерге қарай «дүр» көтерілген. Айтылған әңгімелерді тыңдасаңыз, жергілікті жерлердегі бюджеттік мекемелер мен ұсақ кәсіпорын құрылымдары тексерістің теперішінен ығыр болған. Мысалы, «Көкшетау» ұлттық паркіне ағымдағы жылдың жеті айында құзырлы құрылымдар 113 рет сыпыра тексеру жасаған. Бұндай мысалдар елдің әрбір өңірінен табылады», деді Қ. Сұлтанов.

Сонымен бірге, депутат Елбасының Парламент сессиясын ашу барысында осы мәселеге айрықша тоқталғанын, Үкіметке арнайы тапсырма бергенін атап өтті. «Әсіресе, жемқорлыққа қарсы деген тексерулер адам құқығын сақтау мен қорғаудан гөрі, соны жүргізетін қызметкердің көңіл- күйімен, әмірімен, еркімен өткізілетін жағдайлар да өте көп. Үкімет осыған байланысты министрліктер мен ведомстволардың заңды орындау сапасын анықтап, халықтың кәсіпкерлік саласындағы құқығы мен еркіндігін қамтамасыз етудегі негізгі шараларын жария етуі қажет», деді Қ. Сұлтанов.

Біздің каналымызға жазылыңыз:

Бөлісіңіз:

Автор:

Қанат Мәметқазыұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT