+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Кәсіпкерлер жалдау төлемін тоқтата тұруға өтінім бере алады

2020 жылғы 18 қыркүйек 17:03
Бөлісіңіз:
Кәсіпкерлер жалдау төлемін тоқтата тұруға өтінім бере алады

АЛМАТЫ. ҚазАқпарат – Алматы қаласы Мемлекеттік активтер басқармасының басшысы Рүстем Әлиев онлайн брифинг барысында шағын және орта бизнес өкілдерінен жалдау төлемдерін тоқтата тұруға өтінім қабылдап жатқандарын айтты, деп хабарлайды ҚазАқпарат тілшісі.

Ұқсас жаңалықтар
Эмин Әскеров: Әлеуметтік кәсіпкерлер қоғамдық мәселелерді шешіп қана қоймай, бюджетті де толықтырады Асқар Мамин кәсіпкерлік мәселесі бойынша Жобалық кеңсе отырысын өткізді «Қарапайым заттар экономикасы»: Батыс Қазақстанда 215 жоба мақұлданды

Оның айтуынша, Алматы қаласының әкімдігі биыл 20 наурыз бен 19 маусым аралығындағы кезеңде шағын және орта бизнес өкілдерімен 612 жалдау шарты бойынша жалдау төлемдерін есептеуді тоқтатты. Бұл ретте бюджеттің кіріс бөлігіне түсімдер бойынша жоспар 170,1 млн теңгеге қысқарды.

«Төтенше жағдай кезінде ҚР Қаржы министрлігі мен «Ақпараттық есепке алу орталығы» АҚ шағын және орта бизнестегі жалға алушыларға төлемдерді тоқтата тұруға қосымша келісімдер жасауға мүмкіндік беретін уақытша қызметті әзірледі. Осы жылдың 1 қыркүйегінде Мемлекет басшысы Қасым-Жомарт Тоқаевтың Қазақстан халқына Жолдауында мемлекеттік органдар мен квазимемлекеттік секторға тиесілі жылжымайтын мүлік нысандарына шағын және орта бизнес үшін жалдау ақысын 1 қыркүйектен бастап жыл соңына дейін тоқтата тұруды тапсырды. Сондықтан 4 қыркүйектен бастап өтініш қабылдайтын сайт қызметі қайта іске қосылды», - деді Рүстем Әлиев.

Сонымен қатар ол бүгінгі жағдай бойынша жалдау төлемдерін тоқтата тұруға 280 өтінім түскендігін атап өтті.

«1 қыркүйектен жыл соңына дейін әкімдік шағын және орта бизнестің жалға алушыларымен 499 жолдау шарты бойынша есептерді тоқтата тұрады. Бұл ретте бюджеттің кіріс бөлігіне түсім жоспары 206 млн теңгеге қысқарады. Көктемдегі және осы жолғы тоқтата тұруды ескерсек мемлекет бюджетіне түсетін жалпы сома 376 млн теңгеге азаймақ».

Сондай-ақ, ол «Цифрлық Қазақстан» мемлекеттік бағдарламасын іске асыру шеңберінде Алматы қаласының мемлекеттік активтер басқармасы Telegram қосымшасында gosaktivy_bot чат-ботын іске қосылғанын жеткізді. Мемлекеттік мүлікті жалға алу бойынша барлық сұрақтарға виртуалды кеңесші жауап бере алады.


Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT