Кәсіпкерден ақша талап еткен қарулы қылмыстық топ ұсталды
2022 жылғы 28 маусым 14:57

Кәсіпкерден ақша талап еткен қарулы қылмыстық топ ұсталды

НҰР-СҰЛТАН. ҚазАқпарат - Антикор кәсіпкерден ақша талап еткен қылмыстық топтың мүшесін ұстады, деп хабарлайды ҚазАқпарат.

«Сыбайлас жемқорлыққа қарсы қызмет кәсіпкерден Мемлекеттік сатып алу туралы конкурста жеңімпаз деп танығаны үшін елорда квазимемлекеттік секторы субъектілерінің бірінің басшылығына пара ретінде қаржы талап еткен криминалдық топтың өкілін әшкерелеу бойынша арнайы операция жүргізді. 25 маусымында аталған адам 15 миллион теңге алған кезде ұсталып, тергеу сотының санкциясымен қамауға алынды. Ұсталғандардан тіркелмеген жауынгерлік атыс қаруы – «ТТ» және «Smith&Wesson» маркалы тапаншалары мен олардың патрондары, сондай-ақ қолдан жасалған жарылғыш құрылғының муляжы, кастет, пышақтар және суық қарудың басқа да түрлері табылып, тәркіленді», - делінген Антикор хабарламасында.

Олардың кінәлі екенін сот анықтайды.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT