Кәсіпкер Ресейде 48 жолаушыны құтқарған семейлікке 1 млн теңге берді
Еске сала кетейік, тамыздың 4-інен 5-іне қараған түні «Семей - Новосібір» бағытындағы жолаушылар автобусы өртке оранған болатын. Сол автобуста отырған 37 жастағы семейлік Ержан тілсіз жаудан 48 жолаушыны жалғыз өзі құтқарды. Ол адамдарды сыртқа шығарып, жанталасып жүргенде оның құжаттары мен көлік сатып алу үшін алып шаққан 1,4 млн теңгеден астам ақшасы жанып кетті.
Қала басшысы бейбіт күннің батырын жеке қабылдады. Ермак Бидахметұлы азаматтық, ерлік танытқан үшін Ержанға ризашылығын білдірді.
«Саған азаматтық көрсеткенің үшін алғыс айтамын. Нағыз ер жігітке тән қасиет таныттың. Кез-келген адам өз басын қатерге тігіп, ерлік жасай бермейді», - деді қала әкімі.
Қазіргі уақыттта жанып кеткен барлық құжаттарын рәсімдеу бойынша жұмыстар жүріп жатыр. Новосібір қаласынан көлік алуға деп жинаған қомақты қаржысының жанып кетуіне байланысты, жергілікті кәсіпкер «Гордорстрой» ЖШС директоры Бауыржан Қайрамбаев 1 миллион теңге берді.
Қала әкімі Ермак Сәлімов оның жеке өмірі, отбасы туралы біліп, жергілік билік көмек көрсетуге дайын екенін жеткізді.
Бүгінде Ержан бос уақытында жас спортшыларды күреске жаттықтырумен айналысады. Бұл бағыттағы жұмыстарына алдағы уақыттта Ермак Бидахметұлы қолдау білдіретінін айтты.
