+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Кәсіпкер блокпосттағы қызметкерлерге үш мезгіл тамақты тегін жеткізуде

2020 жылғы 7 сәуір 23:57
Бөлісіңіз:
Кәсіпкер блокпосттағы қызметкерлерге үш мезгіл тамақты тегін жеткізуде

ТҮРКІСТАН. ҚазАқпарат - Түркістан облысы Келес ауданының тумасы, жеке кәсіпкер Данияр Қалымбетов блокпосттарда тәулік бойы кезекшілікте тұрған мамандарды үш мезгіл ыстық тамақпен тегін қамтамасыз етіп отыр, деп хабарлайды ҚазАқпарат.

Жеке бизнесі Қарағанды қаласында шоғырланғанына қарамастан, елдегі жағдайды сырттан бақылап отыра бермей, қиын кезде жұртқа жәрдем беруді азаматтық парызы санаған кәсіпкер туған өңірге қашықтықтан ұйымдастырып көмегін көрсетіп отыр. «Біз біргеміз» акциясы аясында 5 сәуірден бастап Жетісай, Шардара, Төлеби аудандарында өз мамандарымен блокпосттарда аянбай ақысыз қызметтерін көрсетуде.

«Төле би мен Жетісай аудандарындағы блокпосттарда тәулік бойы кезекшілікте тұрған мамандарды тегін үш мезгіл ыстық тамақпен қамтамасыз етіп отырмыз: олар Жетісайда 30-ға жуық блокбекет мамандары, Төле би ауданында аралығы 25 шақырым болатын 5 блокбекетте 60-қа жуық маман. Қажетті шығындарды: азық-түліктерді, көліктер мен жанармайды, жұмысшылардың жеке сақтану керек-жарағын, антисептиктерді өз тарапымыздан алдық. Екі сағаттық қашықтықтағы блокбекеттерге тамақ арнайы термобокстармен ыстық күйінде жеткізілуде. Бұдан бөлек, Шардарада карантинге алынған медицина қызметкерлерін жергілікті демеушілер алып келген азық-түлік есебінен асхана блогын ұйымдастырып, үш мезгіл ыстық тамақпен қамтып жатырмыз. Асхана жұмысшылары қорғаныш құралдарымен және антисептиктермен жарақтандырылған. Елге ауыртпашылық түскен осындай кезде ел азаматтары аянбай еліне, жұртына жәрдем беруі керек деп ойлаймын», - деді кәсіпкер.

Айта кетерлігі, Данияр Қалымбетов басқаратын ұжым мемлекеттік-жекешелік әріптестік аясында Түркістан облысының 20 мектеп-интернатының асханаларын жаңғырту жəне пайдалану келісім шартымен жұмыс істеуде.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT