Кәсіби құтқарушылар апаттар кезінде шұғыл әрекет етуден жарысты
Жыл сайын өтетін «Қазқұтқару» байқауының негізгі міндеті - іздестіру, апаттық-құтқару жұмыстарын жүргізу және Төтенше жағдай комитетінің кәсіби құтқару қызметтері арасында өзара іс-қимылды пысықтау дағдыларын жетілдіру. «Қазқұтқару» республикалық жарысы осымен 22-інші рет өткізілді. Оған ІІМ Төтенше жағдайлар комитеті құтқару бөлімшелерінің 14 командасы қатысты.
Семинар нәтижесі бойынша Қостанай облысы бірінші орынға ие болды. Екінші орынды Республикалық жедел-құтқару жасағының құтқарушылары, үшінші орынды Орталық өңірлік аэроұтқыр жедел-құтқару жасағы қанжығалады.
«Қостанайлық құтқарушылар осы жарысқа қатысу арқылы едәуір тәжірибе жинады. Мәселен, жарыстың «Форд» атты кезеңінде техногендік апаттар жағдайындағы іздестіру-құтқару жұмыстарын үйрендік. Біз бұл семинарға 2003 жылдан бері қатысып келеміз. Нәтиже жаман емес», - деді Қостанай облысы солтүстік өңірлік аэроұтқыр жедел-құтқару жасағы бастығының орынбасары Сергей Шмидт.