+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Қарулы Күштерде 12 мыңнан астам адам короновирусқа қарсы вакциналанды

2021 жылғы 19 сәуір 20:17
Бөлісіңіз:
Қарулы Күштерде 12 мыңнан астам адам короновирусқа қарсы вакциналанды

НҰР-СҰЛТАН. ҚазАқпарат – ҚР Қарулы Күштерінде еңбек ететін 12 мыңнан астам адам короновирусқа қарсы екпе салдырды. Бұл туралы Қорғаныс министрлігінен мәлім етті, дер хабарлайды ҚазАқпарат.

Ұқсас жаңалықтар
Нью-Йоркте жұмадан бастап Covid-19 вакцинасын алғандарға 100 доллардан төленбек Германия халқының жартысынан астамы вирусқа қарсы вакцина салдырған Вакцина алмаған қызметкерлер жұмыстан қуылмайды – Асқар Сақыпкереев

Бүгін Қорғаныс министрлігінде өткен аппарат кеңесінде ел әскерінің тыныс-тіршілігіне қатысты өзекті мәселелер қаралды.

Кеңесте, «Қалқан-2021» жедел-тактикалық оқу-жаттығуының қорытындылары баяндалып, онда Қарулы Күштердің, Шекара қызметінің және Ұлттық ұланның мемлекеттік шекараны күшейту жөніндегі бірлескен практикалық іс-қимылдары алғаш рет пысықталған болатын.

Қорғаныс министрі Нұрлан Ермекбаев бұл ретте, оқу-жаттығу нәтижелерін талдау негізінде әскерлерді жауынгерлік және жедел даярлау үрдісіне маневрлер барысында тиімділік көрсеткен тәжірибені енгізуге нұсқау берді.

Қысқы оқу кезеңінің аяқталуына байланысты полигондар мен оқу алаңдарын оқ-дәрілер қалдықтарынан тазарту бас қолбасшыларға, қолбасшыларға тапсырылды. Бұдан өзге, қару-жарақ пен әскери техниканы жазғы пайдалану режиміне ауыстыруды уақтылы орындау қажеттігі және бұл іс-шаралар жазғы оқу кезеңіне қарай аяқталуы тиістігі айтылды.

Әскерге шақыру науқанын жалғастыру барысында сондай-ақ, барлық санитарлық-эпидемиологиялық шаралардың сақталуына назар аударылды. Бұл шаралар әскерге баратындарды іріктейтін жергілікті әскери басқару органдарына да, жас сарбаздар келген соң карантиндік іс-шаралар жүзеге асырылуы тиіс әскери бөлімдерге де қатысты.

Сондай-ақ Бас әскери медициналық басқарманың бастығы жеке құрамға жүргізілген екпе жөнінде жеткізді. 19 сәуірдегі жағдай бойынша 12 мыңнан астам әскери қызметші мен Қарулы Күштердің азаматтық персонал өкілдері коронавирусқа қарсы екпе салдырды.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT