+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Қаруды өзгеге кезеген: Алматы облысының тұрғыны жақын досын атып өлтірді

2021 жылғы 7 қазан 18:08
Бөлісіңіз:
Қаруды өзгеге кезеген: Алматы облысының тұрғыны жақын досын атып өлтірді

ТАЛДЫҚОРҒАН. ҚазАқпарат - Алматы облысында 25 жастағы жігіт абайсызда досын өлтіріп алды. Күдікті қаруды өзгеге кезегенін айтуда, деп хабарлайды ҚазАқпарат тілшісі.

Ұқсас жаңалықтар
Ақмола облысында жасөспірім танысының атынан 2 кредит алған Алматыда нөмірсіз көлікпен қарсы бағытта жүрген полиция қызметкері жазаланды Түркістан облысында ұрланған 50 бас мал иелеріне қайтарылды

Оқиға Талғар ауданында болды.

Алматы облыстық Полиция департаменті баспасөз қызметінің мәліметінше, 1 қазан күні түнгі 01:00 шамасында полицияға Бесағаш ауылы тұрғынының жарақаттанғандығы жөнінде хабарлама түскен. Оқиға орнына барған тәртіп сақшылар мейрамханада екі топтың арасында жанжал болғанын анықтаған.

«Ауруханаға түскен 25 жастағы ер адам алған жарақаты салдарынан көз жұмды. Төбелескендер оқиға орнынан қашып кеткен.

Жедел-іздестіру шарасы барысында күдікті ұсталды. Ол мерт болған азаматтың жақын досы болып шықты. Күдікті өз кінәсін мойындады.

Сөзінше, ол қаруды жанжал барысында өзгеге бағыттаған. Бірақ досы оны тоқтатпақ болған сәтте қару досына атылып кеткен. Досын ауруханаға дейін жеткізген, бірақ артынша жауапкершіліктен қашып, кетіп қалған. Жанжалға қатысқандардың барлығы оқиға орнынан ізін суытқан. Ал 25 жастағы күдікті 12 калибрлі қаруды жүгері өсетін аймақтан тауып алғанын жеткізді. Оқиға болған соң ол қаруды өзенге ағызып жіберген», - делінген ведомство таратқан хабарламада.

Қазір досын өлтірді деген 25 жастағы күдікті ұсталып, қамауға алынды, тергеу жалғасуда.


Біздің каналымызға жазылыңыз:

Бөлісіңіз:

Автор:

Самал Қабышева

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT