Қарсыласы бас тартқан «Қазақ жауынгері» Мардан Берікбаевпен тең түсті

АСТАНА. ҚазАқпарат - «Қазақ жауынгері» атанып кеткен қытайда тұратын қандасымыз Елшат Нығметоллаұлы бүгін қарсыласының айқастан бас тартуына байланысты қазақстандық боксшымен қолғап түйістірді, деп хабарлайды ҚазАқпарат тілшісі.

Күтпеген жерден шаршы алаңға Елшат Нығметоллаұлына  қарсы қазақстандық боксшы, осыған дейін "Астана арландары" сапында жұдырықтасып жүрген Мардан Берікбаев қарсылас атанды.

Қос қазақ баласы арасындағы аса тартысты жекпе-жек қорытындысы тең нәтижемен аяқталды.  Төрешілер шешімі бойынша бірауыздан қос боксшы да жеңімпаз ретінде қалды.
 

Естеріңізге сала кетейік, осыған дейін Елшат Нығметоллаұлының алғашқы қарсыласы атанады деген әзербайжандық боксшы Фарид Әлиев жекпе-жектен бас тартқаны туралы жазған болатынбыз.
 

52 келі салмақ дәрежесінде WBC Asia чемпионы «Қазақ жауынгері» атанып кеткен Елшат Нығметоллаұлы 15 жекпе-жек өткізіп, барлығында жеңіске қол жеткізген.

Еске сала кетейік, кәсіби бокс кеші Qazaq Promoutions промоутерлік компаниясының бастамасымен Астанадағы «Дәулет» спорт кешенінде өтіп жатыр.

Фото: Мұхтар Қалимолла