+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Қарқаралыда Құнанбай қажы мешіті жөнделді

2020 жылғы 29 қазан 21:52
Бөлісіңіз:
Қарқаралыда Құнанбай қажы мешіті жөнделді

ҚАРҚАРАЛЫ. ҚазАқпарат – Қарқаралыдағы Құнанбай қажы мешітіне ағымдағы жөндеу жұмыстары жүргізілді. Жөндеу жұмыстары Қарағанды облысының мәдениет, мұрағаттар және құжаттама басқармасының тарихи-мәдени мұраны сақтау орталығының тапсырысы бойынша жүргізілді, деп хабарлайды ҚазАқпарат тілшісі.

Құнанбай қажы мешіті 1849 жылдан 1853 жылға дейін қазақтың ұлы ақыны Абайдың әкесі Құнанбайдың қаражатына салынған. Бұл ені 15 м, ұзындығы 11 м және биіктігі 6 м екі қабатты ағаш ғимарат, мешітте медресе жұмыс істеді, шәкірттерге арналған жатақхана және молдалар үйі болды.

Кеңес заманында мұнара жойылды. Ғимараттың қалған бөлігі мектепке, кейінірек қоймаға айналдырылды. Кейін толығымен қаңырап, қараусыз қалды.

1980 жылдары мешіт қалпына келтіріліп, діндарларға қайтарылды. 1991 жылы Қазақстанның тарих және мәдениет ескерткіштерін қорғау және қалпына келтіру өндірістік бірлестігінің мамандары ғимаратты қайта жөндеуден өткізді.

Қарқаралыдағы Құнанбай қажы мешіті Қазақстанның киелі жерлерінің тізіміне енгізілген.

Біздің каналымызға жазылыңыз:

Бөлісіңіз:

Автор:

Агата Мухамеджанова

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT