USD 434.24 EUR 492.69
RUB 5.67 CNY 68.46
Jańalyqtar

Кәріз құдығына нәжіс төккен ассенизатор жүргізушісіне айыппұл салынды

2021 жылғы 29 қараша 22:23
Бөлісіңіз:
Кәріз құдығына нәжіс төккен ассенизатор жүргізушісіне айыппұл салынды

АЛМАТЫ. ҚазАқпарат - Алматыда кәріз құдығына нәжіс төккен ассенизатор жүргізушісі анықталды, деп хабарлайды ҚазАқпарат тілшісі.

Құқық бұзушылық туралы ақпарат қаланың Алатау ауданының тұрғынынан «Алматы» телеарнасындағы Акимат Live бағдарламасының студиясына келіп түсті.

«Арызданушының мәліметінше, «Ақбұлақ» ықшамауданында ассенизатор көлігінің жүргізушілері нәжісті кәріз жүйесіне төккен. Біздің бөлімшенің табиғатты қорғау полиция бөлімінің инспекторларымен қолданыстағы заңнаманы бұзғаны үшін ҚР ӘҚбК-нің 505-бабы (қаланы абаттандыру ережелерін бұзу) бойынша 33 жастағы И.есімді азамат анықталды», – дейді Алатау аудандық полиция басқармасының бастығы Ілияс Өмірсеріков.

Жүргізушіге қатысты әкімшілік іс қозғалды. Оған 20 АЕК айыппұл түріндегі жауапқа тартылды.

«Естеріңізге сала кетейік, ассенизаторлық көліктер жуынды-шайынды суды арнайы рұқсат етілген ағын пункттеріне жіберуі керек, онда желілер шайылып, көлік дезинфекцияланады. Бірақ тәжірибе көрсеткендей, қалалық кәріз жүйесі мен су айдындарына жуынды-шайынды суды немқұрайлы құйып жатқан азаматтар бар. Мұндай заң бұзушылықтар әкімшілік жауапкершілікке әкеп соғады», – деп түйіндеді Алатау аудандық полиция басқармасының бастығы Ілияс Өмірсеріков.



Иллюстрациялық фото: a3169.clouditp.ru

Біздің каналымызға жазылыңыз:

Бөлісіңіз:

Автор:

Алма Мұқанова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT