Кардиологтар Қызылорданың 75 тұрғынына жүрек импланттарын орнатты

АСТАНА. ҚазАқпарат – Жүрегі ауыратын науқастардың кенеттен қайтыс болу қаупі жоғары. Оларды кардиостимуляторлар, кардиовертерлер-дефибрилляторлар құтқарады.

Жыл басынан бері Қызылорда қаласындағы көпсалалы облыстық аурухананың кардиологтары облыстың 75 тұрғынына жүрек имплантын орнатты, деп хабарлайды ҚазАқпарат ҚР Денсаулық сақтау министрлігінің баспасөз қызметіне сілтеме жасап.

Баспасөз қызметінің мәліметтеріне қарағанда, кейбір қымбат операциялар МӘМС ішінде қолжетімді.

Есенгелді Мали Қазалы ауданының құрметті тұрғыны. Міне, алты жыл бойы 73 жастағы еңбек ардагері CRT-d кардиовертер дефибрилляторының көмегімен жүр. Бұл тек баяу немесе жылдам импульсті ғана емес, сонымен бірге прогрессивті жүрек жеткіліксіздігін де реттейтін арнайы дефибриллятор.

«Мен қант диабеті бойынша есепте тұрмын. Соңғы жылдары жүрек жұмысы бұзыла бастады, ентігу пайда болды. 2016 жылы жүрегіме ота жасалып, кардиовертер-дефибриллятор орнатқан. 6 жылдан кейін құрылғы батареялары біткендіктен сигнал бере бастады. Олар операция кезінде ауыстырылды. Қазір мен көңіл-күйім жақсы. Менің «моторымды» іске қосқан кардиологтарға алғыс айтамын», – дейді ардагер.

Кардиодефибрилляторлар пациенттің жұмысқа қабілеттілігін айтарлықтай арттыруға және өмір сапасын жақсартуға мүмкіндік береді, деп атап өтті №2 КАА кардиология бөлімшесінің меңгерушісі Нұрболат Лепесов.

«Кардиовертер дефибрилляторы CRT-D (жүректі қайта синхрондау терапиясы) – бұл кеуде аймағына имплантацияланған кішкентай электронды блок. Ол жүрек соғу жиілігін бақылап, электр разрядымен кенеттен ырғақтың бұзылуын жояды. «Кіріктірілген реаниматолог» қауіпті жүрек аритмиясы жағдайында өмірді сақтай алады. 5-6 жылдан кейін дефибриллятордың батареяларын өзгерту керек. Жалпы, электрокардиостимуляторлар толық өмір сүруге көмектеседі. Бірқатар қызылордалық футболшыларға ЭКС орнатылды, олар қатарға қайта оралды. Біздің ең кішкентай науқасымыз 3 жаста, ең үлкені – 94 жаста», - деді кардиолог, аритмолог.

Кардиодефибрилляторды орнату бойынша бір операцияға әлеуметтік медициналық сақтандыру қорынан шамамен 8,5 миллион теңге бөлінеді. Жоғары технологиялық операциялар сақтандырылған азаматтарға қолжетімді.