USD 434.84 EUR 498.2
RUB 5.72 CNY 68.47
Jańalyqtar

Каратэ шито-рюден ҚР біріншілігінде 600-ге жуық спортшы бақ сынайды

2021 жылғы 22 қараша 14:10
Бөлісіңіз:
Каратэ шито-рюден ҚР біріншілігінде 600-ге жуық спортшы бақ сынайды

ОРАЛ. ҚазАқпарат – Тәуелсіздіктің 30 жылдығына орай Орал қаласындағы «Жекпе-жек» спорт кешенінде 23-25 қараша күндері каратэ шито-рюден балалар, жасөспірімдер, жастар және ересектер арасында Қазақстан чемпионаты өтеді, деп хабарлайды ҚазАқпарат тілшісі.

Ұқсас жаңалықтар
Бибісара Асаубаева: Шахматтан ел тарихындағы алғашқы «алтынды» иеленгенім үшін бақыттымын Мәдениет және спорт министрлігі Бақыт Сәрсекбаевтың пікіріне жауап берді Елордада өтетін Азия чемпионаты кейінге шегерілді

БҚО Дене шынықтыру және спорт басқармасының басшысы Қаймен Есендияровтың Өңірлік коммуникациялар қызметі алаңында өткен брифингіде мәлім еткеніндей, айтулы жарысқа Нұр-Сұлтан, Алматы, Шымкент қалалары мен 14 облыстың командалары қатыспақшы.

Оның айтуынша, каратэ – кең тараған олимпиадалық жекпе-жек түрлерінің бірі. Каратэмен облыста 3 мыңға жуық спортшы айналысады. Оларды 24 жаттықтырушы-оқытушы баптап келеді.

«Ел намысын абыроймен қорғап жүрген спортшылар жеткілікті. Соның ішінде каратэ шотоканнан әлем чемпионы Арсен Кулов, дүниежүзілік біріншілік жүлдегерлері Дархан Темірәлиев, Нұрислам Қайырғали, Натали Касикова, Нұркен Хамидолла, Ариан Якубина, Азияда үздік шыққан Меруерт Бурабай, құрлықтық чемпионатта жүлдегерлер қатарынан көрінген Кәмила Жоламанова, Данил Титовты айтуға болады. Бұл жолы Қазақстан чемпионатына Батыс Қазақстан облысынан 87 спортшы бақ сынамақшы», деді Қ.Есендияров.

Қазақстан каратэ федерациясының бас хатшысы Асхат Қосақов қазіргі кезде Оралда жалауын көтергелі отырған чемпионатқа қатысуға 600-дей спортшының тіркелгенін жеткізді.

Еске сала кетейік, бұдан бұрын Оралда Тәуелсіздіктің 30 жылдығына орай дзюдодан Қазақстан чемпионаты мәреге жеткенін жазған болатынбыз.


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT