15:54, 15 Мамыр 2020 | GMT +6
Карантиннің жеңілдетілуіне байланысты азық-түлік базарлары қалай жұмыс істейді
НҰР-СҰЛТАН. ҚазАқпарат – Қазақстанда карантиндік шаралардың жеңілдетілуіне байланысты азық-түлік сататын сауда орындарының қалай жұмыс істейтіні белгілі болды, деп хабарлайды ҚазАқпарат Telegram-дағы Coronavirus2020.kz парақшасына сілтеме жасап.
Сауда орындарының жұмыс тәртібі сағат 10.00-ден 17.00-ге дейін болып бекітілді.
Базарға кіре берісте, сауда орнының холында, дәлізде әр 50-100 метр сайын, лифтке, санитарлық торапқа кіре берісте санитайзерлер орнатылуы керек.
Азаматтар тауар ақысын қолма-қол төлей алмайды (тек банк картасы немесе телефондағы бағдарлама арқылы).
Кезекте 5 адамнан артық тұруға болмайды және олардың ара қашықтығы бір метр болуы керек.