Карантиннен кейін бизнес жұмысына қолдау көрсету керек – министр
«Экономикалық белсенділікті қалпына келтіру бойынша қабылданып жатқан шараларды ескере отырып, орталық және жергілікті атқарушы органдар мынадай аспектілерге назар аударуы қажет. Біріншіден, карантиннен кейінгі кезеңде бизнестің жұмысын
жан-жақты қолдау керек. Екінші – мемлекеттік бағдарламалар шеңберінде кәсіпкерлерді қолдау құралдарын тиімді іске асыруды қамтамасыз ету», - деді министр Үкімет отырысында.
Үшінші – қазақстандық өнімнің үлесін ұлғайтуды, жұмыспен қамтуды қамтамасыз ететін қаражатты толық және тиімді игеру қажет.
Төртінші – инвестицияларды белсенді тарту және инвесторлармен нақты жұмыс жасау керек.
«Бесінші – өңделген тауарларды өндіру және экспорттау үшін жағдай жасау қажет. Алтыншы – баға мониторингін күшейту және Тұрақтандыру қорларының тетіктерін пайдалану арқылы маусымдық ауытқуларға жол бермеу керек және жетінші – өңірлік еңбек нарықтарындағы ахуалға тұрақты мониторинг жүргізу және жұмыспен барынша қамту керек», - деді Р. Дәленов.