+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Карантин уақытында қала шетінде демалуға рұқсат бар ма

2020 жылғы 15 шілде 19:30
Бөлісіңіз:
Карантин уақытында қала шетінде демалуға рұқсат бар ма

НҰР-СҰЛТАН. ҚазАқпарат – Әділет министрі Марат Бекетаев карантин уақытында табиғатта немесе қала шетінде демалуға рұқсат барын, алайда адамдар көп жиналмау керектігін мәлім етті, деп хабарлайды ҚазАқпарат тілшісі.

Ұқсас жаңалықтар
Асқар Мамин шекара маңындағы эпидемиологиялық ахуалды бақылауда ұстауды тапсырды Коронавирустың таралуы: Қазақстанның басым өңірлері «жасыл» аймақта

«Нақты қай жерде демалғыңыз келетінін айқындап алу керек. Әкімдіктер шектеу қойып тастаған аумақтар бар. Бұл негізінен адамдар көп жиналатын орындар – қаладағы жағажайлар, бақтар. Әлбетте баруға болмайтын осындай орында демалсаңыз – ол заң бұзушылық болып есептеледі. Жалпы табиғатқа шығуға болады. Алайда адамдар көптеп жиналмау керек. Егер бірнеше отбасы бірігіп, демалғысы келсе – онда ол карантин тәртібін бұзған болып есептеледі. Ал бір отбасы оп-оңай қала сыртында демала алады. Алайда бұл ретте барлық ереже сақталуы тиіс», - деді Марат Бекетаев ОКҚ-да өткен баспасөз мәслихатында.

Еске сала кетсек Марат Бекетаев бұған дейін карантин тәртібін сақтамай, той жасағандар қалай жазаланатынын айтқан болатын.

«Мұндай жағдайда тиісті Заң бабына сәйкес, алғашқы жағдайда айыпталушыға 83 мың теңге көлемінде айыппұл салынады. Егер мұндай шаралардың барысында азаматтар жаппай вирус жұқтырса, айыппұлдың да көлемі айтарлықтай көп болады. Ал оқиғаның салдары жағымсыз жағдайға апарса, қылмыстық іс те қозғалуы ықтимал», - деді ол.


Біздің каналымызға жазылыңыз:

Бөлісіңіз:

Автор:

Аян Бекенұлы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT