Карантин: ШҚО-да түнгі клубтар жұмысына рұқсат берілді
ШҚО Бас мемлекеттік санитарлық дәрігерінің жаңа қаулысы жарияланды. Онда «Ashyq» жобасына қатысатын объектілер үшін жаңа жұмыс режимі белгіленген.
«Облыс «қызыл» және «қоныр қызыл» аймақта болғанда нысандар жұмыс және демалыс күндері сағат 00.00-ге дейін, ал «Ashyq» жобасының көшбасшылары сағат 02.00-ге дейін ашық болады. «Сары» аймақта сағат 01.00-ге дейін, «Ashyq» жобасының көшбасшылары сағат 03.00-ге дейін жұмыс істейді. Ал «жасыл» аймақта сағат 03.00-ге дейін, жоба көшбасшыларына сағат 05.00-ге дейін жұмыс істеуге рұқсат етілді»- делінген құжатта.
Осы ретте, демалыс күндері мекеме қызметкерлері мен келушілерде «жасыл мәртебе» болуы тиіс. Сондай-ақ өңірде түнгі клубтар «Ashyq» жүйесінде «жасыл» статусы бар келушілер үшін жұмыс істей бастады.