Карантин: ШҚО 5 рейд болып, 700 мың теңге айыппұл салынды

ӨСКЕМЕН. ҚазАқпарат – Шығыс Қазақстанда мониторингтік топтар бақылауды жалғастыруда, деп хабарлайды ҚазАқпарат өңірдің Ақпарат орталығына сілтеме жасап.

КВИ-дің таралуына қарсы күрестегі тиімді құралдардың бірі – облыстың барлық аудандары мен қалаларында құрылған арнайы мониторингтік топтар. Тексеру жұмыстары коронавирустың таралу қаупінің алдын алатын эпидемияға қарсы шараларды жүргізу бойынша санитарлық ережелердің негізінде жүзеге асырылады.

Риддер қаласында 28 қарашада 5 рейд өтіп, 70 нысан тексерілді. Нәтижесінде жалпы сомасы 722 280 тенге болатын 4 айыппұл салынып отыр.

Санитарлық нормаларды бұзу фактілері «Доминант» дүкені мен «Огонек» шағын базарында тіркелді, мұнда сатып алушыларға медициналық маскасыз және қолғапсыз қызмет көрсетілген.

Бородулиха ауданында мониторингтік топ 26 нысанды аралады. 1 ереже бұзу фактісі анықталып, қоғамдық орында маскасыз жүрген С.Н. Новокрещенов есімді азаматқа 41 670 тенге көлемінде 1 айыппұл салынды.

Глубокое ауданында 89 нысанда 18 рейд жүргізілді. Маскалық режимді бұзу бойынша 1 факті тіркеліп, А. Ф. Гордеев есімді азамат әкімшілік жауапкершілікке тартылды. Айыппұл – 41 670 тенге.

ШҚО-да рейдтік шаралар мен мониторингтік топтардың жұмыстары әлі де жалғасады. Сауда орындары мен дүкендерге барғанда жеке қорғаныс заттарын қолдануды ұмытпаңыздар.