+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

Карантин электр стансаларын дер уақытында жөндеуге кедергі келтірді – Нұрлан Ноғаев

2020 жылғы 30 қыркүйек 10:50
Бөлісіңіз:
Карантин электр стансаларын дер уақытында жөндеуге кедергі келтірді – Нұрлан Ноғаев

НҰР-СҰЛТАН. ҚазАқпарат – Энергетикалық кәсіпорындардың күзгі-қысқы кезеңдегі жұмысқа дайындығы жалғасуда. Бұл туралы бүгін Үкімет отырысында ҚР Энергетика министрі Нұрлан Ноғаев айтты, деп хабарлайды ҚазАқпарат тілшісі.

Ұқсас жаңалықтар

«Еліміздің Біртұтас электр энергетикалық жүйесінің тұрақты жұмысын қамтамасыз ету, тұтынушыларды электр және жылу энергиясымен сенімді жабдықтау мақсатында энергетикалық кәсіпорындардың күзгі-қысқы кезеңдегі жұмысқа дайындығы жалғасуда. Жүйелік оператор бекіткен кестеге сәйкес электр стансаларындағы 5 энергоблок, 31 қазан, 22 турбина жөнделді. Ал 3 энергоблок, 28 қазан мен 22 турбинаны жөндеу жұмыстары әлі де жүргізілуде. Аталған электр стансаларындағы жөндеу жұмыстары биылғы жылыту маусымының уақтылы басталуына әсер етпейді», - деді ол.

Оның атап өтуінше, жөндеу жұмыстарын кешіктіру, негізінен, төтенше жағдай мен карантин кезеңінде шетелден қосалқы бөлшектерді жеткізу кідірісімен және жөндеу жүргізетін мамандардың басқа елдерден Қазақстан Республикасының аумағына келуіне қойылған шектеулермен байланысты болды.

«Электр желілері бойынша жалпы ұзындығы 25 828 шақырым электр беру желілерін, сондай-ақ 439 бірлік жоғары вольтты кіші стансаларды жөндеу жоспарланған. Бүгінгі таңда 25 152 шақырым электр беру желілері мен 428 кіші станса жөнделді. Бұл жылдық жоспардың 97 пайызын құрайды. Электр желілерін жөндеу бекітілген кестелерге сәйкес аяқталуы жоспарлануда. Жергілікті атқарушы органдардың ақпараты бойынша 457 орталықтандырылған жылумен жабдықтау қазандықтарын жылыту маусымына дайындық үшін 1149 қазанның 1132-сі жөнделді. Бұл жылдық жоспардың 98,5 пайызын құрайды», - деді Нұрлан Ноғаев.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT