Карантин: Алматыда бір күн ішінде 17 нысаннан кемшіліктер анықталды

АЛМАТЫ. ҚазАқпарат - Алматыда мониторинг топтары мегаполис аумағында карантиндік шаралардың сақталуын бақылау бойынша жұмыстарды жалғастырып жатыр, деп хабарлайды ҚазАқпарат тілшісі.
28 қазанда 71 мониторингтік шара өткізілді. Олардың ішінде заңбұзушылықтар 17 нысаннан анықталды.
Анықталған бұзушылықтар бойынша материалдар аумақтық медициналық ұйымдарға жолданды.
Жекелей алғанда, Алатау ауданының мониторингтік топтарымен Әйгерім шағын ауданында «Заман» дүкенінде, дәмханада және дәріханада, Бөкеев көшесінің бойындағы «Соня» дүкенінде маска режимінің сақталмауы, қолды өңдейтін санитайзерлер мен дезинфекциялық кілемшелердің болмауы сияқты карантин режимін бұзу фактілері анықталды.
Алмалы ауданындағы мониторингтік шаралардың барысында Қарасай батыр көшесі, 193 бойынша «Рюмочная Бавария» дәмханасында жұмыс режимінің бұзылуы анықталды. Розыбакиев көшесі, 214 а мекенжайы бойынша кальян қызметіне уақытша шектеу енгізілді.
Әуезов ауданында Жандосов көшесі, 59 мекенжайы бойынша «Москва» бильярд клубының жұмысына уақытша шектеу енгізілді. Сонымен бірге 11 шағын аудандағы лото клубтың қызметі тоқтатылды.
Жетісу ауданында мониторингтік жұмыс қорытындысы бойынша Абылай хан даңғылы бойындағы «Ас-Жол» дәмханасы және Райымбек даңғылы бойындағы «Лион» компьютер клубының қызметіне уақытша тыйым салынды.
Наурызбай ауданының мониторингтік топтары «Хозяюшка» дүкені мен «Птичка» кофейнясынан маска режимінің сақталмауы, қолды өңдейтін санитайзерлердің жоқтығын анықтады.
Шектеу шаралары және санитарлық ережелерді жүйелі және қасақана бұзу фактілері анықталған жағдайда материалдар құқықбұзушыларды Әкімшілік құқықбұзушылықтар кодексінің 462-бабының 3-бөлігі бойынша жауапқа тарту және іс қозғап, сотқа беру үшін аумақтық прокурорларға берілетін болады.
- Алматыда 62 отбасы ескі баспанадан бес қабатты тұрғын үйге көшіріледі
- Жолды күтіп ұстауға жауапты 3 мыңға жуық лауазымды тұлға жауапқа тартылды
- Бір жылда автобус жүргізушілерінің кінәсінен 29 адам мерт болды
- Кепілдегі автокөлікті арзанға «алып берумен» айналысқан алматылық ұсталды
-
Өткен жылы ел жолдарына қосымша 3,5 мың камера орнатылды
-
2020 жылы жол апатынан қаза тапқандар саны 17 пайызға азайды
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам