Қарақұлжа жайлауында аюлар бір отар қойды жайратып кетті
2018 жылғы 31 шілде 14:20

Қарақұлжа жайлауында аюлар бір отар қойды жайратып кетті

БІШКЕК. ҚазАқпарат - Ош облысын аума Қарақұлжа ауданында аюлар 67 қойды жайратып салған. Бұл туралы аудандық жайылым комитеті мәлім етті, деп хабарлайды Кабар.

Нақты деректерге қарағанда, 22 шілде күні Октябрь ауылы маңындағы Бештерек жайлауында жергілікті тұрғын Сабиржануулу Куштарбектің қойларына екі аю шапқан.

Олар 67 қойды жайратып салды. Жақындап қалған жыртқыштардан қатты қорыққан шопан тұра қашқан. Қырсық шалғанда, құлап есінен танып қалады. Абырой болғанда түз тағыларының онымен ісі болмаған. Қазіргі таңда шопанның қолын сындырып алғаны белгілі болды.

Осы ақпараттан кейін жергілікті билік өкілдері ауыл тұрғындарымен түсіндіру жұмыстарын жүргізді. Бұдан бөлек, аюларды жайлаудан алысқа қуып жіберу туралы тапсырма берілді.

null

Jańalyqtar

Үрдіс

MURAǴAT