Қарағандының құқық қорғау органдарында азаптау фактілері 50% азайды
Іс-шараға құқық қорғау және арнайы органдардың басшылығы, мүдделі органдардың өкілдері қатысты.
Конституцияда ешкімді азаптауға, оған зорлық-зомбылық жасауға, басқадай қатыгездік немесе адамдық қадір-қасиетін қорлайтындай жәбір көрсетуге не жазалауға болмайтыны айқындалған.
Ведомствоаралық топтың проблемалық мәселелерді жедел шешу жұмысының нәтижелері бойынша азаптау фактілері 50% төмендеді.
«Полиция және қылмыстық-атқару жүйесі қызметкерлері арасында азаматтарға қатысты қол көтермеу және моральдық қысым жасамау, этикалық нормаларды сақтау бойынша түсіндіру іс-шаралар тұрақты негізде жүргізіледі. «Соқыр аймақтарды» болдырмау үшін прокурорлар құқық қорғау органдары мен пенитенциарлық мекемелердің қызметтік үй-жайларын бейнебақылау камераларымен жүз пайыз қамтуды ұсынды», - деп мәлімдеді Қарағанды облысы прокуратурасының баспасөз қызметі.
Сондай-ақ өңірде «бұлтты бейнебақылау» функциясы бар онлайн-режимде прокурорлардың бейнежазбаны көруінің техникалық мүмкіндігін енгізу жоспарланып отыр.