+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Қарағандылық жас кәсіпкер туристік орындар туралы мәлімет беретін карта әзірлеп жатыр

2019 жылғы 30 қазан 20:05
Бөлісіңіз:
Қарағандылық жас кәсіпкер туристік орындар туралы мәлімет беретін карта әзірлеп жатыр

НҰР-СҰЛТАН. ҚазАқпарат – Қарағандылық жас кәсіпкер Әнуар Нұржанов туристік орындар туралы толық ақпарат беретін карта әзірлеп жатыр, деп хабарлайды ҚазАқпарат тілшісі.

Ұқсас жаңалықтар
Омбыда Бурабай мен Зерендіге ресейлік туристерді тарту жайы талқыланды Лондонда Қазақстанның туристік әлеуеті таныстырылды Алматылық және астаналық туркомпаниялар Тараздың тарихи орындарымен танысты

Әнуар Нұржанов Қарағанды мемлекеттік-техникалық университетін «Геодезия және картография» мамандығы бойынша бітірген. Өз мамандығымен екі жыл жұмыс істеп, «Атамекен» ұлттық кәсіпкерлер палатасының «Жас кәсіпкер» бағдарламасы арқылы жеке кәсібін бастаған.

«Жас кәсіпкер» бағдарламасына өтінім берген соң, үш апталық курсқа қатыстым. Онда бизнес-жоспар құру мен кәсіпкерліктің негіздерін үйретті. Оқу соңында бизнес-жоспар қорғап, қаражатты қайда жұмсайтынымды түсіндірдім. Нәтижесінде 505 мың теңге қайтарымсыз грант жеңіп алдым», - деді Ә. Нұржанов.


Қыркүйек айында жас кәсіпкер геоақпараттық жүйелер саласында өз жұмысын бастады. Ондағы маңызды жобалардың бірі - туристік орындар туралы ақпарат беретін карта.

«Біз карта әзірлеумен айналысамыз. Бұл Гугл, Яндекс карталарға ұқсауы мүмкін, бірақ біздің картада навигатордан бөлек, туристік орындарға басымдық беріледі. Туристік нысандар, киелі орындар, тарихи ескерткіштер туралы толық ақпарат алуға болады. Мобильді қосымша әзірлеу туралы Мәдениет және спорт министрлігіне хат жолдадық. Бұл туризмді дамыту үшін, жеке саяхатшылар үшін ыңғайлы болмақ», - дейді жас кәсіпкер.

Еске сала кетсек, ҚР Тұңғыш Президенті Нұрсұлтан Назарбаев 2019 жылды Жастар жылы деп жариялауды ұсынған болатын.

Жастар жылының ашылу рәсімінде Н. Назарбаев «Атамекен» ұлттық кәсіпкерлер палатасына «Жас кәсіпкер» бағдарламасын әзірлеуді тапсырды.

«Жас кәсіпкер» арқылы колледждер мен университет түлектері, 18-29 жастағы жұмыс істегісі келетін жастар, жеке кәсіп ашқысы келетіндер, жұмыс істегісі келетін мүмкіндігі шектеулі жандар және өзін-өзі жұмыспен қамтығандар мен фрилансерлер білімін жетілдіре алады.

Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT