Қолданушы баптаулары
Қолданушы баптаулары
+7 (701) 759 90 19 Лента
Астана: 14 °С
Алматы: 35 °С
USD 346.68 EUR 404.02
RUB 5.47 CNY 51.15
Жаңалықтар

Қарағандылық ауласынан қоқиқаздың балапанын тауып алды

2017 жылғы 14 қыркүйек 16:58 1364
Бөлісіңіз:
Қарағандылық ауласынан қоқиқаздың балапанын тауып алды

ҚАРАҒАНДЫ. ҚазАқпарат - Ауласына шыққан Қарағанды тұрғыны Қызыл кітапқа енгізілген қоқиқаздың балапанын тауып алды, деп хабарлайды «ҚазАқпарат» ХАА тілшісі.

Үйдің иесі Сергей Каубре бақшасында дірілдеп тұрған балапанды көріп, қолма-қол орман шаруашылығы және жануарлар әлемі инспекциясына хабар берген. «Ер адам қоңырау шалып, қоқиқаз тауып алғанын айтқанда, біз оны қателесіп шығар ойладық. Балапан басқа құстың, мәселен, тырнаның балапаны болуы мүмкін еді», - дейді Ауыл шаруашылығы министрлігінің Қарағанды облысы бойынша орман шаруашылығы және жануарлар әлемі аумақтық инспекциясы басшысының орынбасары Абай Әлжанов.

Барған соң шынымен қоқиқаз екеніне көз жеткізген инспекция мамандары балапанды алдымен кеңсеге, сонан соң Ақмола облысындағы Қорғалжын мемлекеттік қорығына берген.

Қоқиқаздар ащы-тұзды су бассейндерінде өмір сүреді, өйткені ол жерде бұл құстардың негізгі қорегі артемия салина құрттары болады. Қоқиқаз балапанының Қарағанды қаласына қалай келіп қалғаны әзірге белгісіз. «Ер адамға балапанға бәйек болып, бізге жылдам хабарласқаны үшін алғыс айтамыз. Ол біз барғанша оны азықтандырып, жылы жерде ұстаған. Балапан енді үйін тапты. Қазір ол Қорғалжын мемлекеттік қорығына жіберілді», - дейді Абай Әлжанов.

 

 


Бөлісіңіз:
Онлайн қызметкерлер
Редактор
Гүлмира Алякпарова
Гүлмира Алякпарова
954-059
Редактор
Айдар Оспаналиев
Айдар Оспаналиев
954-059
Мұрағат