Қарағандылық алаяқ тұрғындарды алдап, 12 млн теңге жымқырған

ҚАРАҒАНДЫ. ҚазАқпарат - Қарағандыда алаяқ 12 адамды алдап, жалпы сомасы 12 млн теңгеден астам ақшаны жымқырған, деп хабарлайды ҚазАқпарат тілшісі. 

16 шілдеде Қарағанды қаласының орталық полиция бөліміне 30 жастағы қала тұрғынынан шағым келіп түскен. Жапа шегуші 45-орам аялдамасында белгісіз біреу пәтер сатамын деп алдап, 2 млн теңгесін жымқырғанын айтқан. Жүргізілген жедел іздестіру іс-шараларының арқасында күдікті ұсталды. Тергеу барысында аталмыш алаяқтың тағы да 11 қылмысқа қатысы бары анықталған.

Аталған деректерге сай ҚР ҚК 190-бабы бойынша сотқа дейінгі тергеу жүріп жатыр. Ұсталған азамат уақытша ұстау изоляторына қамалды.