Қарағандыдағы мешіттен бірнеше ұрлық жасаған күдікті ұсталды
2022 жылғы 17 тамыз 11:42

Қарағандыдағы мешіттен бірнеше ұрлық жасаған күдікті ұсталды

ҚАРАҒАНДЫ. ҚазАқпарат - Қарағандыда мешіттен бірнеше ұрлық жасаған күдікті ұсталды, деп хабарлайды ҚазАқпарат.

5 тамыз күні Қарағанды қалалық полиция басқармасына қарасты Жаңа-Майқұдық полиция бөліміне 20 жастағы қала тұрғыны арызбен шағымданған. Жәбірленуші полиция қызметкерлеріне белгісіз біреу мешітте болған сәтінде құны 150 мың теңге тұратын ұялы телефонын ұрлап әкеткені туралы хабарлаған.

«Аталған факті бойынша Қылмыстық кодекстің 188-бабына сәйкес (Ұрлық) қылмыстық іс қозғалды. Мешіт ішінде орналасқан бейнебақылау камераларын қарау барысында полицейлер қылмыс жасап, ізін жасырған жас жігітті анықтады. 10 тамыз күні криминалдық полиция қызметкерлері жүргізілген кешенді іс-шаралар барысында осы іске қатысы бар деген күдікпен 22 жастағы қала тұрғыны ұсталды», - деп жазды аймақтағы полиция басқармасынан.

Күдіктіге қатысты қозғалған қылмыстық істі тергеу барысында полиция қызметкерлері оның осыған ұқсас екі қылмысқа қатысы барын анықтады. Мәселен, күдікті 30 шілде күні мешітке кіріп, ішінде құжаттары бар қол сөмке, банк картасын және ұялы телефон ұрлаған.

Белгілі болғандай, 37 жастағы жәбірленуші аталған заттарды терезе алдына қойып қойған. Осы сәтті пайдаланған күдікті заттарын ұрлап кеткен. Жәбірленушіге келтірілген шығын көлемі 115 мың теңгені құраған. Күдікті уақытша ұстау изоляторына қамалып, тергеу амалдары жүргізілуде.



Видеодан алын ғ ан кадр

Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT