Қарағандыдағы қайғылы оқиға: Қала әкімі көз жұмған баланың отбасына көмек көрсетуге уәде берді

ҚАРАҒАНДЫ. ҚазАқпарат - Қарағанды қаласының әкімі Нұрлан Әубәкіров қаза болған баланың отбасына көмек көрсетілетіні туралы мәлімдеді, деп хабарлайды ҚазАқпарат тілшісі.   

Ұқсас жаңалықтар

Батуттарды санап жатырмыз - Төтенше жағдайлар комитетінің төрағасы

Қолдан-қолға сатылатын батуттарда пайдалану нұсқаулықтары жоқ - Беккер Батут проблемасы бүгін ғана пайда болған жоқ - комитет төрағасы

Қала әкімі Нұрлан Әубәкіров қайтыс болған баланың отбасына барып, баланың ата-анасына көңіл айтты. Нұрлан Әубәкіров қала әкімдігі тарапынан жерлеуді ұйымдастыруға көмек көрсетілетіні туралы мәлімдеді. Борис Рудаков биыл № 10 орта мектепте 5-сыныпты тәмамдаған. 

Сондай-ақ, қала әкімінің орынбасары Ирина Любарская мен қалалық білім бөлімінің жетекшісі Гүлсім Қожахметова басқа да зардап шеккен балалар жатқан ауруханаларда болып, олардың жай-күйін біліп қайтты.   

Естеріңізге сала кетейік, бүгін Қарағанды қаласының Орталық мәдениет және демалыс саябағында қайғылы оқиға орын алған болатын. Қатты желдің салдарынан үрлемелі батут аударылып кетіп, нәтижесінде, оқиға орнында бір бала қаза тауып, тағы үш бала түрлі жарақаттармен ауруханаға жеткізілді.

Аталған факті бойынша қылмыстық іс қозғалды.