+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Қарағандыдағы Достық үйінде Конституция күні аталып өтті

2019 жылғы 29 тамыз 20:47
Бөлісіңіз:
Қарағандыдағы Достық үйінде Конституция күні аталып өтті

ҚАРАҒАНДЫ. ҚазАқпарат - Қарағанды қаласының Достық үйінде Қазақстан Республикасының Конституциясы күніне арналған салтанатты жиын өтті, деп хабарлайды ҚазАқпарат өңір басшысының ресми сайтына сілтеме жасап.

Ұқсас жаңалықтар
Бүгін – Қазақстан Республикасының Конституциясы күні Түркістандықтар Конституция күнін атап өтті Төлеби ауданында Конституцияның 24 жылдығы аталып өтті

Концерттік залда этномәдени бірлестіктердің өкілдері, жастар, спортшылар бас қосты. Қатысушылар еліміздің өркендеуінде, азаматтардың тұрақтылығы мен әл-ауқатын сақтаудағы негізгі Заңның басты рөлін атап өтті. Олар жерлестерін ең басты мемлекеттік мерекелердің бірі - Конституциясы күнімен құттықтады.
- Біз еліміздің Конституциямыздың негізінде өмір сүріп, еңбек етеміз. Ең басты құндылық - біздің азаматтарымыз бен олардың еңбектері. Әрбір адамның Қазақстанның тәуелсіздігі мен дамуына қосқан үлесі зор рөл атқарады. Елбасы саясатының арқасында біздің республика халықаралық аренада ерекше орынға ие болды. Бізді бүкіл әлемде біледі және құрметтейді. Біздің Сарыарқаның аумағында 130-дан астам этностар тұрады. Бүгін маңызды мереке - Конституция күні қарсаңында біз Достық үйінің шаңырағына жиналып отырмыз, - деді Қазыбек би атындағы аудан әкімі Татьяна Шатохина.
Облыс әкімінің атынан ол жоғары білім беру қызметкерлеріне жастарды тәрбиелегені, өңірдің қоғамдық-саяси қызметіне қосқан үлесі үшін алғыс хаттар табыс етті.
- Конституция - бұл біз үшін өте маңызды және басты құжат. Туғаннан бастап біздің барлық құқықтарымыз Конституциямен қорғалған. Біз сапалы білім алып, жан-жақты дамып, өз болашағымызға сенімді боламыз, - деп атап өтті Е. А. Бөкетов атындағы ҚарМУ студенті Қаракөз Тілеуқабыл.
Спортшылар атынан баршаны Конституция күнімен әлем кубогының жеңімпазы, Азия чемпионатының күміс жүлдегері Бекзат Ахметбеков құттықтады. Ол халықаралық жарыстарда Қазақстанның туы көтерілгенде қандай мақтаныш сезіміне бөленетіні туралы айтты. Қазақ күресінен халықаралық дәрежедегі спорт шебері жастарды азаматтық белсенділікке шақырды.
Б. Бейсенов атындағы ІІМ Академиясының басшысы, полиция полковнигі Ақынғали Дәрменов оқытушыларға ведомстволық наградаларды: «Ішкі істер органдарының үздігі» белгісін, Құрмет грамоталары мен алғыс хаттарды табыс етті.
Концертте халықаралық конкурстардың лауреаттары, жергілікті кәсіби ұжымдар өнер көрсетті. Финалда жас бишілер «Достық хороводы» ашық композициясымен сахнаға шықты.






Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT