Қарағандыда жұмыссыздар үшін қысқа мерзімді оқыту ұйымдастырылды

ҚАРАҒАНДЫ. ҚазАқпарат - Қарағанды облыстық білім беруді дамыту жөніндегі қоғамдастық кеңестің төрағасы Маулида Жошина еңбек нарығында сұранысқа ие дағдылар пен кәсіптерге қысқа мерзімді кәсіптік оқыту туралы айтты, деп хабарлайды ҚазАқпарат.

«Еңбек нарығында сұранысқа ие кәсіптер мен дағдыларға қысқа мерзімді кәсіптік оқытуды жасына, біліміне немесе тұрғылықты жеріне қарамастан барлық жұмыссыздар пайдалана алады», - деді ол.

Оның айтуынша, қысқа мерзімді кәсіптік оқытудың ұзақтығы біліктілік пен дағдылардың сипаттарына байланысты бір айдан алты айға дейін негізделген.

Қысқа мерзімді кәсіптік оқытуға қатысатындарға мынадай көлемде материалдық көмек көрсетіледі:

1) облыста орналасқан білім беру ұйымдарына елді мекендерден келіп оқитын бағдарлама қатысушылары үшін 4 айлық есептік көрсеткіш (АЕК) көлемінде жолақы (10100 теңге);

2) өмір сүруге ай сайын 5 АЕК көлемінде (12625 теңге).
3) 16759 теңге көлемінде шәкіртақы төленеді.

Барлық сұрақтар бойынша тұрғылықты мекенжай бойынша жұмыспен қамту орталықтарына байланысуға болады.