+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Қарағандыда жер сатып алу рәсімін жеңілдететін карта әзірленді

2020 жылғы 16 қаңтар 00:00
Бөлісіңіз:
Қарағандыда жер сатып алу рәсімін жеңілдететін карта әзірленді

ҚАРАҒАНДЫ. ҚазАқпарат - Қарағандыда инженерлік желілерге қосылуды жеңілдететін карта жасалды. Бұл коммуникацияларға қосылуға рұқсат беру құжаттарын алу кезінде жемқорлық фактілерін қысқартуға көмектеседі, деп хабарлайды ҚазАқпарат тілшісі.

Қарағанды облысы бойынша Мемлекеттік қызмет істері және сыбайлас жемқорлыққа қарсы іс-қимыл департаментінің қызметкерлері коммуналдық кәсіпорындардағы сыбайлас жемқорлық тәуекелдеріне талдау жүргізді. Оларды бағалау нәтижесі бойынша, тұтынушыларда ең көп қиындықтар инженерлік желілерге қосылуға техникалық шарттарды алу кезінде туындайтыны анықталды.

«Біз 2019 жылғы қаңтар-қараша аралығында «Теплотранзит-Караганда» ЖШС 415 техникалық шарт бергенін анықтадық. Оның ішінде 108-не теріс жауап келген. Біздің ойымызша, себептер кей кезде негізсіз болған. Осындай әділетсіздік пен сыбайлас жемқорлық тәуекелдерін болдырмау үшін біз жергілікті атқарушы органдармен бірлесіп қазір іс-қимыл жоспарын әзірлеп жатырмыз», - деді Қарағанды облысы бойынша Мемлекеттік қызмет істері және сыбайлас жемқорлыққа қарсы іс-қимыл департаменті басшысының орынбасары Берік Ахметов.

Жоспарға инженерлік желілерге қосылудың электрондық картасын жасау кіреді. Ол қандай аудандарда мұндай мүмкіндік бар екенін, ал қандай аудандарда жоқ екенін көруге мүмкіндік береді. Карта құрылыс үшін жер сатып алғысы келетіндерге пайдалы болады.

Сондай-ақ, департамент пен қала әкімдігінің қызметкерлері коммуналдық кәсіпорындардың жұмысын бір терезе қағидаты бойынша қайта құру жөнінде келіссөздер жүргізуде. Бұл өз кезегінде құжат беру процесін жеделдетуге, соның салдарынан сыбайлас жемқорлық тәуекелдерін қысқартуға көмектеседі.

Іс-шаралардың толық жоспары жақын арада әзірленеді. Оны осы жылдың жазының соңына дейін жүзеге асыру жоспарланып отыр.


Біздің каналымызға жазылыңыз:

Бөлісіңіз:

Автор:

Агата Мухамеджанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT