Қарағандыда «Жас кәсіпкер мектебінің» қорытындысы шығарылды

ҚАРАҒАНДЫ. ҚазАқпарат - Қарағандыда «Жас кәсіпкер мектебінің» қорытындысы жасалды. Жоба биылғы жылдың 3 желтоқсанында басталды. Осы уақыт аралығында «Атамекен» Ұлттық кәсіпкерлер палатасында 65 адам оқудан өтті, деп хабарлайды ҚазАқпарат тілшісі.

Ұқсас жаңалықтар

Алик Шпекбаев кәсіпкер жұмысына кедергі келтіретін мәселені көтерді

Шымкенттен Шығысқа көшкен көпбалалы ана: Аптап ыстықтан қытымыр аязға үйрену оңай болған жоқ Ақтөбеде бизнесті қолдауға 35 миллиард теңге жұмсалады Арбаға таңылған ақтөбелік тағдырластарына тұрмыстық техника жөндеуді үйретуде

Қатысушыларға бизнесті жүргізудің заңды, экономикалық және әлеуметтік аспектілері туралы айтып берді. Сондай-ақ маркетинг, менеджмент негіздері бойынша сабақ берілді, бизнес-жоспар жасауға үйретті.

Әр оқушы өзінің бизнес-жобасын әзірледі. «Бизнес-идеялар жәрмеңкесі» байқауының 12 үздігі іріктеп алынды. Олардың қатарында кітап кафесінің, балалар кафесінің, дұрыс тамақтану орталығының жобасы, зияткерлік орталық құру, жабық футбол манежінің құрылысы, мобильдік қосымшалар және т. б. бар.

Идея авторлары Қарағанды облысының кәсіпкерлер палатасының мамандары, өңірдің табысты бизнесмендері, мемлекеттік органдар мен «Даму» қорының өкілдері кірген қабылдау комиссиясының мүшелеріне өз стартаптарының пайдалылығын дәлелдеді.

Байқау қорытындысы бойынша комиссия төрт үздік жобаны таңдады. Андромед Байзыкен және Сабина Болат балалар сұлулық салоны жобасымен бірінші орынға ие болды. Екінші орынды Химиялық тазалау ашқысы келетін Айбибі Төлеуова иеленді. Үшінші орынды Камила Әлиасқарова жабық футбол манежін салу идеясымен және Артем Вишневский, Кирилл Прямоносов, Мұстафа Тәңірберген, Әділ Қанатбеков толығатын шикізаттардан қағаз өнімдерін өндіру жобасымен бөлісті.

Барлық жобалар кейіннен мемлекеттік бағдарламалар шеңберінде гранттар мен басқа да қаржы қаражатын алу үшін ұсынылатын болады. Қалған қатысушыларға арнайы номинациялар бойынша марапаттар табыс етілді.