15:18, 30 Қараша 2021 | GMT +6
Қарағандыда жалған шот-фактура жазған кәсіпкер мемлекетке 300 млн теңге шығын келтірді
ҚАРАҒАНДЫ. ҚазАқпарат - Қарағанды облысында жалған шот-фактураларды жазып беру дерегі анықталды, деп хабарлайды ҚазАқпарат.
Өз қаржысын қолма-қол ақшаға айырбастау қылмыстық жауапкершілікті көздемейді.
Алайда, қаражатты қолма-қол ақшаға айналдыру заңды рәсімдерді айналып өтіп, жалған мәмілелерді пайдалану арқылы жасалатын деректер де бар.
Қаржылық мониторинг агенттігінің Қарағанды облысы бойынша аумақтық департаменті жалған шот-фактураларды жұмыстарды нақты орындамай жазып берумен айналысқан «ГорСнаб» ЖШС директоры қызметінің жолын кесті.
Азамат Ә.Тәжікеев басқа кәсіпорындармен жарамсыз мәмілелер жасап, жалған бухгалтерлік құжаттар ұсынған. Заңсыз қолма-қол ақшаға айналдырғаны үшін ол мәміленің жалпы сомасының 3% мөлшерінде сыйақы алып отырған.
Нәтижесінде мемлекетке 300 миллион теңгеден астам шығын келді.
Ә.Тәжікеев 2,6 жылға сотталды.