Қарағандыда үш бала газдан уланды

ҚАРАҒАНДЫ. ҚазАқпарат – Қарағандыда жеке үйлердің бірінде пештің мұржасы дұрыс істемеуінен үш бала улы газға тұншығып, қалалық ауруханалардың біріне жеткізілді, деп хабарлайды ҚазАқпарат тілшісі.

Ұқсас жаңалықтар

Алматыда 6 адам табиғи газдан уланды

Қазақстандықтар алкоголь, газ және дәрі-дәрмектен жиі уланады - дәрігер Көкшетауда бір мектептің 80 оқушысы ауырып қалды: Білім басқармасы ақпарат берді Павлодар: Мектеп асханасында 23 баланың улануына байланысты іс қозғалды

9 қазан күні сағат 11:00-де Қарағанды қаласының Октябрь ауданында жеке тұрғын үйде жылыту пешін дұрыс пайдаланбау және түтін шығатын мұржаның ақауынан 2006, 2011 және 2013 жылы туған балалар улы газдан уланып, ауруханаға жатқызылды.

Жыл басынан бері Қарағанды облысында 5 адам газға уланып қаза тапқан, 10 адам зардап шекті.

Тұрғын үй секторының тұрғындары үшін жылыту маусымы кезінде жылыту құралдарын пайдалану үлкен қауіп туғызады. Ал пешті қолдану ережелерін бұзу тұншықтырғыш газдан улану сияқты ауыр зардаптарға әкелуі мүмкін.

Тұншықтырғыш газдан улану көбіне пешті дұрыс қолданбаудан болады.

Тұншықтырғыш газдан қалай сақтану керек:

-Өрт қауіпсіздігі талаптарын сақтаңыздар;

- Пешпен жылытуды пайдалану ережелерін бұзбаңыз: пеш жапқышының уақытында жабылуы, отынға таза ауаның жеткіліксіз болуы, нашар тарту үй-жайда улы газдың пайда болуына оңай себеп болуы мүмкін;

- Пешті пайдаланбас бұрын түтін мұржасындағы тартқышты, сондай-ақ оның бүтіндігін және жарықтың жоқтығын тексеріңіз;

- Автономды газ қазандығы, сондай-ақ газ плитасы орнатылған үй-жайларда ол қосылып тұрған кезде желдету қамтамасыз етілуі тиіс.